याकूब 1:4 - जीवन को च्यानणो (सेकावाटी नया नियम की पोथ्या)

⁴ थ्यावसनै आपको काम पूरो करबा द्‍यो जिऊँ थे पूरा अर सिद होज्यास्यो, अर थार म कोई बात की घटी कोनी रेह्‍वै।

याकूब 1:4 Referans Kwoze

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

लूका 21:19

थे पक्का रेहज्यो जिऊँ थे खुदनै बचास्यो।

मत्ती 5:48

इ ताँई थानै सिद बणबो चाए, जंय्यां की ईस्बर नगरी म रेह्बाळो थारो परम-पिता सिद ह।

2 तिमूतियूस 3:17

पबितर सास्तरऊँ परमेसर को भगत सगळा भला कामा म माहिर अर त्यार होज्यावै।

गलातियो 6:9

जणा आपानै चाए क जीज्यानऊँ भला काम करबा म लाग्या रेह्‍वां। जिऊँ ठिक टेम आबा प आपानै बिको फळ मिलै।

याकूब 3:2

क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।

याकूब 1:5

पण ज थार मऊँ कोईनै बी बुदी की कमी होवै जणा बो परमेसरऊँ माँगै, जखो बिना धमकाया खुला हियाऊँ देवै ह, अर थानै आ बुदी दि ज्यासी।

1 कुरन्थीयो 2:6

आपा परमेसर की आत्मा म पक्का मिनखानै इ ज्ञान क बारां म बतावां हां। पण ओ ज्ञान दुनिया अर इ दुनिया प राज करबाळी सक्‍ति को कोनी ह जखी नास होरी ही।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

लूका 8:15

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

मत्ती 10:22

मेरा नाम की बजेऊँ लोग थारूँ नफरत करसी पण जखो मिनख आपकी अंतघड़ी ताँई सक्यु सेह्सी बोई बचायो ज्यासी।

2 पतरस 1:9

क्युं क जखो बी आ बातानै कोनी मानै बो आँदो ह, अर बिनै धुन्दो-धुन्दो सुजै ह, अर बो आबी भूलगो क पेल्याई बिका पापनै धोर बिनै सुद कर्यो गयो ह।

यहून्ना 17:23

म बामै हूँ अर थे मेर म, जिऊँ बे पूरीतर्या एक होर आपणै म रळज्यावै। अर इ जगत का मिनख जाणै, क मनै भेजबाळा थे हो। थे बानै बी बंय्यांई परेम करो जंय्यां थे मेरूँ परेम करो हो।

लूका 18:22

आ सुणर ईसु बिऊँ बोल्यो, “तेरै म हाल ताँई एक बात की कमी ह, तेरै कनै जोक्यु बी ह बिनै बेचर बिऊँ मिलेड़ा रिपीआनै गरीबा म बाट दे अर तू मेरै गेल होले इकै साटा को धन तनै ईस्बर नगरी म मिल ज्यासी।”

मरकुस 10:21

ईसु बिकै कानि देख्यो अर बिनै परेमऊँ बोल्यो, “तेरै मांयनै एक बात की कमी ह। तू जा अर तेरै कनै जोक्यु बी ह बिनै बेचर गरीबानै देदे। तनै ईस्बर नगरी म धन मिलसी, अर तू मेरै गेल होले।”

मत्ती 19:20

बो मोट्यार बोल्यो, “म तो आ सगळी बातानै मानू हूँ इब मेर म कूणसी कमी ह?”

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।