याकूब 1:27 - जीवन को च्यानणो (सेकावाटी नया नियम की पोथ्या)

²⁷ पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।

याकूब 1:27 Referans Kwoze

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

1 तिमूतियूस 5:4

पण ज कोई खालीहोइड़ी क टाबर-टिकर, दोइती-दोय्ता नहिस पोती-पोता होवै जणा आ टाबरानै सऊँ पेल्या चाए क, अ आपका परवार क सागै भगती को बरताव करै। अर आपका माँ-बाप दादी-दादा की सेवा कर बाकै उपकार को जस दे, क्युं क अंय्यां करबाऊँ परमेसर राजी होवै ह।

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

लूका 1:6

परमेसर की नजर्या म बे दोन्युई धरमी हा अर बे परबु का सगळा हुकमानै मानबा म खरा हा।

मत्ती 5:8

भागहाळा ह बे जाको मन परमेसर की नजर्या म पबितर ह; बे परमेसरनै देखसी!

1 यहून्ना 5:18

आपा जाणा हां क, जखोबी मिनख परमेसर को ह बो पाप कोनी करतो रेह्‍वै क्युं क परमेसर बिनै बचावै ह अर बिकै सेतान हात कोनी अड़ा सकै।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

मत्ती 12:32

अर ज कोई मिनख का बेटानै भलो-बुरो खेवै ह जणा बिनै परमेसर माफ कर सकै ह। पण जखो मिनख पबितर आत्मा क खिलाप क्युं खेवै ह जणा बिनै नइ तो इ जुग म अर नइ आबाळा जुग म माफी ह।

रोमीयो 2:13

क्युं क नेम-कायदानै सुणबाळा परमेसर की नजर्या म धरमी कोनी होवै, पण बिपै चालबाळो धरमी बाजै।

गलातियो 3:11

इऊँ तो ओ साबित होवै ह, क नेम-कायदा क जरिए परमेसर क सामै कोई धरमी कोनी होवै। क्युं क सास्तर म मंडर्यो ह क, “परमेसर क सामै मिनख बिस्वासऊँ धरमी होसी अर जिसी।”

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

याकूब 3:9

आपा जीबऊँई परबु अर परम-पिता की जे-जैकार करां हां अर इऊँई परमेसर का रूप म बणाएड़ा मिनखनै सराप देवां हां।

2 पतरस 1:4

इ बजेऊँ बो आपणाऊँ बडा-बडा अर किमती करार कर्या हीं, जिऊँ आपणा म परमेसर को सुभाव आ सकै, जिऊँ आपा आपणी बुरी इंछ्या अर इ दुनिया की बुराईऊँ बच सकां।

2 पतरस 2:20

ज अ मिनख परबु अर छुटकारो देबाळा ईसु मसी की बजेऊँ दुनिया की बुराईऊँ बचाया गया हा इकै वावजुद बी ज बे बुराई करीं हीं जणा आकी दसा पेलड़ी दसाऊँ बेसी बुरी होसी।

2 पतरस 3:14

ओ लाडलो, थे आ बाता की आस देखो हो, जणा कोसिस करो क परमेसर की नजर्या म खरा, बेदाग अर स्यांतीऊँ रेह्बाळा बाजो।