याकूब 1:26 - जीवन को च्यानणो (सेकावाटी नया नियम की पोथ्या)

²⁶ अर ज कोई खुदनै भगत मानै अर आपकी जीबनै बस म नइ राखै जणा बो खुदनै धोको देवै ह अर बिकी भगती ख्याई काम की कोनी।

याकूब 1:26 Referans Kwoze

इफिसुस 4:29

कोईबी बुरी बात थारै मुंडाऊँ नइ निकळै पण दुसरा को भलो करबाळी बाता बोलो जिऊँ सुणबाळा की जुर्ता पूरी होवै अर बाको भलो होवै।

1 पतरस 3:10

“जखो जीवन की इंछ्या राखै ह, अर चोखा दिन देखबो चावै ह। बो आपकी जबानऊँ बुरा बोल बोलबाऊँ अर होठानै छळ की बाता करबाऊँ रोकै।

इफिसुस 5:4

अर थारा मुंडाऊँ कोई बेसरमी की, बेतुकी, बेहूदा मजाक अर जखी बाता चोखी कोनी बे नइ निकळनी चाए पण इकी बजाय थारा मुंडाऊँ परमेसर ताँई धनेवाद निकळणो चाए।

कलुसीयो 4:6

थारो बोल मिठो अर मननै चोखो लागबाळो होणो चाए जिऊँ थे जाणल्यो की कूणसा आदमीनै कंय्यां को जुबाब देणो चाए।

याकूब 1:22

बचननै सुणबाळाई मना बणो, पण बिपै चालबाळा बी बणो। ज थे सुणबाळाई हो जणा खुदनै धोको द्‍यो हो।

याकूब 1:19

मेरा लाडला बिस्वास्यो, ध्यान राखज्यो, थार मऊँ हरेक मिनख सुणबा म तेज अर बोलबा म स्यांत होवै। झाळनै बस म राखो।

लूका 8:18

इ ताँई चेता म रेह्ओ जिकनै ह बिनै ओर दिओ ज्यासी अर जिकनै कोनी बिऊँ जोक्यु ह बो बी ले लिओ जासी।”

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

गलातियो 2:6

अर जखा मिनख मान्या-थान्या हा, चाए बे कंय्यांका बी हो, मनै कोई फरक कोनी पड़ै, परमेसर कोईको भेद-भाव कोनी करै बानै मेरा सुणाईड़ा चोखा समचार म क्युंई कमी कोनी लाधी।

मरकुस 7:7

अ बेकामई मेरी भगती करीं हीं। अर मिनखा का बणाएड़ा आदेसानै मेरा कर सीखावीं हीं।’

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

मत्ती 15:9

अ बेकार म मेरी भगती करै ह, लोगा का आदेसानै धरम की सीख बोलर सीखावै ह।”

1 कुरन्थीयो 15:15

ज आ बात सच ह क मर्या पाछै कोई कोनी जीवायो ज्यासी जणा परमेसर क बारां म थारूँ झूठ बोलबा ताँई म्हें दोसी बणगा हां क्युं क म्हें थारूँ खया हा क परमेसर मसीनै जीवायो हो।

याकूब 2:20

ओ बावळा मिनख, तू ओ जाणबो चावै ह के क, करम बिना बिस्वास बेकार ह ?

गलातियो 3:4

के थे अत्तो दुख बेकार मई भोग्या? पण ओ पक्काई बेकार कोनी।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

1 कुरन्थीयो 3:18

थे खुदनै धोको मना द्‍यो। अर ज कोई मिनख ओ सोचतो हो की बो इ दुनियादारी म ज्ञानी ह जणा इऊँ चोखो ओ ह क बो बेबुदी को बण्यो रेह्‍वै जिऊँ बो ज्ञानी बण सकै।