याकूब 1:22 - जीवन को च्यानणो (सेकावाटी नया नियम की पोथ्या)

²² बचननै सुणबाळाई मना बणो, पण बिपै चालबाळा बी बणो। ज थे सुणबाळाई हो जणा खुदनै धोको द्‍यो हो।

याकूब 1:22 Referans Kwoze

रोमीयो 2:13

क्युं क नेम-कायदानै सुणबाळा परमेसर की नजर्या म धरमी कोनी होवै, पण बिपै चालबाळो धरमी बाजै।

यहून्ना 13:17

इब थे अ बाता जाणग्या हो, जद थे आनै करस्योक जणा परमेसर थानै आसिरबाद देसी।

याकूब 4:17

अर जखो बी मिनख भलाई करबो जाणै ह पण कोनी करै जणा बो पाप करै ह।

1 यहून्ना 2:3

परमेसरनै सचमई जाणबा ताँई एकई गेलो ह क, आपा बिका हुकमानै माना, अर ज आपा अंय्यां करां हां, जणा बिनै सचमई जाण लिआ हां।

लूका 11:28

पण ईसु बोल्यो, “इऊँ बी बडा भागहाळा तो बे हीं जखा परमेसर का बचनानै सुणी अर बिपै चालीं हीं।”

मत्ती 12:50

क्युं क जखा बी मिनख मेरा ईस्बर नगरी परम-पिता की इंछ्या गेल चालै ह बेई मेरा सागे भाई-भाण अर माँ ह।”

कलुसीयो 3:17

मेरो खेबा को मतबल ओ ह क, थे जोक्यु करो अर बोलो बो परबु ईसु मसी क नामऊँ होणो चाए अर बिका नामऊँई परम-पिता परमेसरनै धनेवाद द्‍यो।

दरसाव 22:7

ईसु कह्यो, “सुणो! म तावळोई आऊँ हूँ। भागहाळा ह बे जखा इ पोथी म मांडेड़ा बचनानै जखा आबाळा टेम म पूरा होबाळा हीं बानै मानी हीं।”

1 यहून्ना 3:7

ओ टाबरो, थे कोई कई भंगर्या म मना आज्यो। क्युं क जखो मिनख धरम का काम करै ह बोई मसी की जंय्यां धरमी ह।

याकूब 1:26

अर ज कोई खुदनै भगत मानै अर आपकी जीबनै बस म नइ राखै जणा बो खुदनै धोको देवै ह अर बिकी भगती ख्याई काम की कोनी।

गलातियो 6:7

धोको मना खाओ, परमेसरनै कोई बावळो कोनी बणा सकै, क्युं क मिनख जखो बोसी बोई काटसी।

3 यहून्ना 1:11

मेरा लाडला, तू तो बुराई क गेलै नइ पण भलाई क गेलै चालजे। क्युं क जखो बी मिनख भलाई करै ह, बो परमेसर को ह। अर जखो बुराई करै ह बो परमेसरनै कोनी जाणै।

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,

मत्ती 28:20

म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

1 यहून्ना 1:8

अर ज आपा आ खेवां क म्हें कोई पाप कोनी कर्या, जणा खुदनै धोको देवां हां अर आपा सच कोनी बोलां।

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

1 कुरन्थीयो 15:33

धोको मना खाज्यो क्युं क, “बुरी संगती चोखी बाणनै बिगाड़ देवै ह।”

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

2 पतरस 2:13

अ बुराई करी ह, जणा अ बुराई को फळ भोगसी। आनै रात-दिन कुकरम करबो चोखो लागै ह। अ मिनखा क नाम प कळंक हीं। अ मिनख जद थारै सागै बार त्युंहार प खाबा-पीबा ताँई भेळा होवीं हीं जणा अ खुद क कानिऊँ खाबो-पीबो कर आपकी इंछ्यानै पूरी करीं हीं।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 कुरन्थीयो 3:18

थे खुदनै धोको मना द्‍यो। अर ज कोई मिनख ओ सोचतो हो की बो इ दुनियादारी म ज्ञानी ह जणा इऊँ चोखो ओ ह क बो बेबुदी को बण्यो रेह्‍वै जिऊँ बो ज्ञानी बण सकै।

2 तिमूतियूस 3:13

अर पापी अर धोकेबाज मिनख धोको देता अर धोको खाता बिगड़ताई जावीं।

याकूब 4:11

ओ मेरा लाडला बिस्वास्यो, थे एक दुसरा प कळंक मना लगाओ। अर ज कोई आपका पाड़ोसी भाईड़ा क खिलाप बोलै ह अर न्याय करै, जणा बो नेम-कायदा क खिलाप म बोलै अर न्याय करै ह। अर बे अंय्यां कर नेम-कायदा गेल कोनी चालै पण इको न्याय करबाळा बणज्यावीं हीं।