याकूब 1:21 - जीवन को च्यानणो (सेकावाटी नया नियम की पोथ्या)

²¹ इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

याकूब 1:21 Referans Kwoze

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

1 पतरस 2:11

ओ लाडलो, म थानै हात जोड़र खेऊँ हूँ क, थे इ दुनिया म खुदनै परदेसी अर सरणारथी जाणर जीवन जीओ। अर पाप करबा की बुरी इंछ्याऊँ खुदनै बचार राखो, जखी थारै आत्मा क खिलाप लड़ै ह।

यहून्ना 6:63

परमेसर की आत्मा तो जीवन देवै ह, पण मिनख की ताकत ख्याई काम की कोनी। जखी बात म थारूँ खई ह, बे परमेसर की आत्माऊँ ह अर जीवन देवै ह।

1 पतरस 2:1

इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

याकूब 4:8

परमेसर क कनै आओ जणा बो बी थारै कनै आसी। ओ पाप्यो! थे थारा हातानै साप करो, ओ सक करबाळो थे थारा हियानै पबितर करो।

तितूस 2:11

क्युं क परमेसर सगळा मिनखा का छुटकारा ताँई दया दिखाई ह।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

इबरानीआ 4:2

क्युं क आपानै बी आपणा बडका की जंय्यांई चोखो समचार सुणायो गयो ह पण बानै बि समचारऊँ क्युंई फाईदो कोनी होयो क्युं क बे बि समचारनै तो सुण्यो पण बिपै बिस्वास कोनी कर्यो।

इबरानीआ 2:3

जणा पाछै आपा इ बडा छुटकारा की अनदेखी कर कंय्यां बच सकां हां? इ छुटकारा को पेलो हेलो परबु कानिऊँ पाड़्यो गयो हो अर जखा बी इ हेलानै सुण्या हा बे आपणा ताँई इनै पुक्‍तो कर्या।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

यहून्ना 6:68

समोन पतरस बिनै जुबाब दिओ, “परबु, म्हें किकै कनै जावां? अजर-अमर जीवन देबाळी बाता तो तेरैई कनै ह।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

2 कुरन्थीयो 7:1

लाडला भाईड़ो जदकी आपणै कनै परमेसर का करेड़ा अ करार ह। इ ताँई आपानै परमेसर को डर मानर काया अर आत्मानै सूगली चिजाऊँ दूर राख'र पबितर राखबो चाए।

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

1 पतरस 1:9

थे बिपै बिस्वास करो हो। बिकोई फळ ह क, थे बचाया जाओ हो। अर इनै थे म्हेसुस बी करो हो।

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

भेजेड़ा चेला का काम 10:33

जणा म हात की हात तेरै कनै मिनख भेज्या, अर तू बी ठिक कर्यो जखो आकै सागै आगो। अर इब म्हें परमेसर क आगै इ ताँई भेळा होर्या की जोक्यु तनै परबु ओडायो ह बे सगळी बाता तेरूँ सुण सकां।”

मत्ती 5:5

भागहाळा ह बे जखा सूदा हीं; बे धरती का हकदार होसी!

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

इफिसुस 5:4

अर थारा मुंडाऊँ कोई बेसरमी की, बेतुकी, बेहूदा मजाक अर जखी बाता चोखी कोनी बे नइ निकळनी चाए पण इकी बजाय थारा मुंडाऊँ परमेसर ताँई धनेवाद निकळणो चाए।

इफिसुस 4:25

इ ताँई झूठ बोलबो छोडर हरेक आपका संगी-साती बिस्वासीऊँ सच बोलै, क्युं क मसी म आपा सगळा एकई काया का अंग हां।

याकूब 5:20

जणा बिनै ओ जाण लेणो चाए क, पापी मिनखनै पाप का गेलाऊँ ओज्यु सई गेलो दिखाबाळो, बि पापी मिनख की आत्मानै जुग-जुग की मोतऊँ बचावै ह। अर बो बिका बोळा पाप धोबा की बजे बणज्यावै ह।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।