याकूब 1:17 - जीवन को च्यानणो (सेकावाटी नया नियम की पोथ्या)

¹⁷ क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

याकूब 1:17 Referans Kwoze

यहून्ना 3:27

यहून्ना जुबाब दिओ, “जद ताँई परमेसर नइ दे, कोईनै क्युंई कोनी मिलै।

मत्ती 7:11

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह बे बाऊँ माँगबाळा मिनखानै चोखी चिजा क्युं कोनी देसी?

इबरानीआ 13:8

ईसु मसी काल अर आज अर सदाई एकसो ह।

यहून्ना 8:12

ईसु ओज्यु बोल्यो, “म इ जगत का मिनखा को च्यानणो हूँ। जखो बी मेरै गेल चालसी बो सचो जीवन जिसी, अर बो कदैई पाप का गेला प कोनी जावै।”

1 यहून्ना 1:5

म्हें जखो समचार ईसु मसीऊँ सुण्या हा, बोई थानै सुणावां हां क परमेसर च्यानणो ह अर बिमै चिनोसो बी अँधेरो कोनी ह।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

इफिसुस 2:8

क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

1 कुरन्थीयो 4:7

थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?

1 यहून्ना 4:10

सचो परेम इमै कोनी क आपा परमेसरऊँ परेम करां हां पण इमै ह क परमेसर आपणाऊँ परेम कर्यो अर आपका बेटानै आपणा पाप ताँई बलिदान होबानै भेज दिओ।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

यहून्ना 1:9

सगळा मिनखानै च्यानणो दिखाबाळो, सचो च्यानणो जगत की नजर्या म आर्यो हो।

दरसाव 21:23

नगरीनै सूरज अर चाँद की जुर्त कोनी ही क्युं क बा परमेसर की मेमा का च्यानणाऊँ चमकरी ही अर उन्यो नगरी को दिओ हो।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

दरसाव 22:5

बठै कदैई रात कोनी होसी। अर नइ बठै सूरज अर दिआ का च्यानणा की जुर्त होसी। क्युं क परबु परमेसर आपको च्यानणो बापै राखसी। अर बे बठै सदाई राज करसी।

याकूब 1:5

पण ज थार मऊँ कोईनै बी बुदी की कमी होवै जणा बो परमेसरऊँ माँगै, जखो बिना धमकाया खुला हियाऊँ देवै ह, अर थानै आ बुदी दि ज्यासी।

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

याकूब 3:15

अंय्यां की बुदी ईस्बर नगरीऊँ कोनी आवै पण आ धरती की, मिनख सुभाव अर सेतान की बुदी होवै।

फलिपी 1:29

क्युं क मसी प बिस्वास करबा को सोभागई नइ पण बि ताँई दुख उठाबा को बी सोभाग थानै दियड़ो ह;

भेजेड़ा चेला का काम 11:18

अ बाता सुणर बे बिऊँ जिरै करबो बंद कर दिओ अर सगळा परमेसर की आ खेर बडाई करबा लागगा की, “परमेसर गैर-यहूदि मिनखानै बी सचो जीवन जीबा ताँई पापऊँ मन फेरबा को दान दिओ ह।”

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

यहून्ना 3:3

ईसु जुबाब दिओ, “म तेरूँ सची बोलुँ हूँ जद ताँई कोई मिनख ओज्यु नइ जलमै जद ताँई बो परमेसर का राजनै कोनी देख सकै।”

1 तिमूतियूस 6:16

बो एकलोई अजर-अमर ह! बो बि च्यानणा म बास करै ह जिकनै कोई कोनी पुग सकै। नइ कोई बिनै कदै देख्यो ह! अर नइ कोई कदै देख सकै। बिको मान-समान अर राज जुग-जुग होतो रेह्‍वै! अंय्यांई होवै।