याकूब 1:14 - जीवन को च्यानणो (सेकावाटी नया नियम की पोथ्या)

¹⁴ पण जखो बी बिचास्यो जावै ह बो आपकी बुरी इंछ्या म खिंच्यो ज्यावै अर बिमै फंसर बिचास्यो जावै ह।

याकूब 1:14 Referans Kwoze

मत्ती 15:18

पण जखी बाता मिनखा का मुंडाऊँ बारनै निकळै ह बे बाता बाका हियाऊँ आवै ह अर बेई मिनखानै सूगलो करै ह।

इबरानीआ 3:13

जद ताँई आज को दिन खुवावै ह रोजकी एक दुसरा की हिमत बंधाता रेहज्यो। जिऊँ थार मालो कोईसो बी पाप का धोका म आर आपका हियानै काठो नइ करै।

रोमीयो 7:13

जणा पाछै इको काँई मतबल होयो क जखो चोखो ह बोई मेरी मोत की बजे बण्यो? नइ, कदैई नइ! पण पाप बि चोखा क जरिए मेरी मोत की बजे इ ताँई बण्यो क पापनै पिछाण्यो जा सकै जिऊँ नेम-कायदा का हुकम क जरिए पाप ओर बी बढगो।

मत्ती 5:28

पण म थारूँ अंय्यां बोलुँ हूँ क ज कोई मिनख पराई लूगाईनै बुरी नजर्याऊँ देखै ह जणा बो आपका हिया म बि लूगाईऊँ कुकरम कर लिआ।

रोमीयो 7:11

क्युं क पापनै मोको मिलगो अर बो नेम-कायदा क हुकम क जरिए मनै छळ्यो अर मनै मार गेर्यो।

मत्ती 15:20

बिना हात धोया रोटी खाबो मिनखनै सूगलो कोनी करै पण अ बाताई मिनखा का हियानै सूगलो करै ह।”

मत्ती 4:1

जणा पबितर आत्मा ईसुनै उजाड़ म लेगी जिऊँ सेतानऊँ बो बिचास्यो जावै।

याकूब 1:13

जिनै बिचास्यो जावै ह बिनै अंय्यां नइ खेणो चाए क परमेसर बिनै बिचासर्यो ह। क्युं क बुरी बाताऊँ परमेसर कोनी बिचास्यो ज्यावै अर नइ बो खिनै बिचासै।

याकूब 1:15

अर बा बुरी इंछ्या बिकै मांयनै बढर पाप करावै ह अर पाप मोतनै जलम देवै ह।