याकूब 1:12 - जीवन को च्यानणो (सेकावाटी नया नियम की पोथ्या)

¹² बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

याकूब 1:12 Referans Kwoze

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

याकूब 5:11

आपा बानै दुख मुसीबत सेह्बा की बजेऊँई भागहाळा बोलां हां। अर थे अयुब क थ्यावस राखबा क बारां म तो सुण्योई हो अर थे आबी सुण्या हो क परबु बिनै बिको काँई फळ दिओ क्युं क परबु तरस अर दया करबाळो ह।

रोमीयो 8:28

अर आपा जाणा हां क जखा परमेसरऊँ परेम करै ह बा ताँई हर बात मिलर भलाई पैदा करै, बा ताँई, जखा बिका मकसद गेल बुलाया गया हीं।

मत्ती 10:22

मेरा नाम की बजेऊँ लोग थारूँ नफरत करसी पण जखो मिनख आपकी अंतघड़ी ताँई सक्यु सेह्सी बोई बचायो ज्यासी।

1 कुरन्थीयो 9:25

अर थे जाणो हो क खेल-कूद म भाग लेबाळा सगळा खिलाड़ी सगळी बाता प खराईऊँ चाली हीं। अर बे तो नास होबाळा मुकटनै पाबा ताँई अंय्यां करै ह, पण आपा बि मुकट ताँई कर्या हां जखो कदैई नास कोनी होबा को।

1 पतरस 3:14

अर ज थे भलाई करबा बेई दुख भोगो हो, जणा थे भागहाळा हो। इ ताँई बाऊँ डरबो छोड द्‍यो अर इकी बी चिंत्या मना करो क मिनख काँई कर सकै ह।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

1 पतरस 5:4

क्युं क जद बो रूखाळो मसी जखो सकै उपर परधान ह परगट होसी, जणा थानै मेमा को मुकट मिलसी अर इ मुकट की रंगत कदैई कोनी जावै।

1 कुरन्थीयो 2:9

पण पबितर सास्तर म मंडेड़ो ह, “जखी बातानै आँख कोनी देखी, अर कान कोनी सुण्या, अर जखी मिनखा क चित मई कोनी आई, बे बाता परमेसर क हाता बा मिनखा ताँई त्यार करी गई, जखा परमेसरऊँ परेम करीं हीं।”

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

1 कुरन्थीयो 8:3

अर ज कोई परमेसरऊँ परेम करै बिकी परमेसर म पिछाण ह।

दरसाव 3:19

म जिऊँ बी परेम करूं हूँ बानै दकालूं हूँ अर सूदारूँ हूँ। जणा मजबूत होज्या अर तौबा कर।

इबरानीआ 10:32

थे बा पेलड़ा दिनानै याद करो, जद थे मसी क बारां म जाण्या हा जणा बोळा सताव अर दुख की घड़ी म बी मजबूत रिह्या हा।

इबरानीआ 6:15

जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

इबरानीआ 11:17

बिस्वास करबा की बजेऊँई अब्राहम जद बिचास्यो गयो बि टेम का इसाक की बलि चढाबा की पूरी त्यारी करली ही। जदकी परमेसर बिऊँ बोल्यो हो क, “इसाकऊँई तेरो वंस चालसी।” इकै बावजुद बी अब्राहम, जिऊँ करार कर्यो गयो हो आपका एकलोता बेटा की बलि देबानै त्यार होगो।

1 यहून्ना 4:19

म्हें इ ताँई परेम करां हां क्युं क परमेसर पेल्या आपणाऊँ परेम कर्यो ह।

इबरानीआ 12:5

थे बि हिमत बंधाबाळा बचननै भूल बेठ्या हो, जखो थानै बेटो जाणर दिओ गयो हो: “ओ बेटा, परबु की सीखनै हळकी बात मना जाण, अर बिकी दकालऊँ कदैई निरास मना होजे।

लूका 6:22

थे भागहाळा हो जद मिनख का बेटानै मानबा की बजेऊँ दुसरा मिनख थारूँ बेर राखीं, थानै समाज क बारनै करीं, थारी बेजती करीं अर थानै बुरा बतावीं हीं।

रोमीयो 5:4

थ्यावसऊँ खराई अर खराईऊँ आस जलम लेवै ह।

2 तिमूतियूस 2:15

परमेसर की नजर्या म खुदनै काम करबाळो मिनख बणबा ताँई मेनत कर, जिऊँ तनै सरमिन्दो नइ होणो पड़ै, पण परमेसर क सच का बचनानै सई-सई सीखावै।

1 पतरस 4:14

ज मसी क नाम की बजेऊँ थानै दुख अर बेजती सेणी पड़ै जणा बिनै सोभाग मानो। आ बात इनै दिखावै ह क परमेसर की मेमा भरी आत्मा थारै सागै ह।