इबरानीआ 9:12 - जीवन को च्यानणो (सेकावाटी नया नियम की पोथ्या)

¹² बो बकरा अर बाछ्या का लोयऊँ नइ पण खुदका लोयऊँ एकबर मई म्हापबितर झघा क मांयनै गयो। अर जुग-जुग को छुटकारो पक्को कर दिओ।

इबरानीआ 9:12 Referans Kwoze

इबरानीआ 10:4

क्युं क ओ तो अणहोतो ह क बकरा अर सांड को लोय पापनै धो सकै।

इबरानीआ 9:15

इ बजेऊँ मसी नया करार को बिचोलिओ ह जिऊँ जखा बुलाईड़ा हीं बानै बा बादो करेड़ी जुग-जुग ताँई की बापोत दि जावै। अर बा पापऊँ जखा पेलड़ा करार क तळै आता हा बाकी मर'र किमत चुकाई अर बानै अजाद कर्यो।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

इबरानीआ 10:19

मेरा लाडला बिस्वास्यो, इब ईसु मसी क लोय की बजेऊँ आपानै परमेसर का म्हापबितर तम्मू म जाबा को पूरो-पूरो भरोसो ह,

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

इबरानीआ 7:27

अर बिनै इकी जुर्त कोनी ही क बो म्हायाजका की जंय्यां पेल्या खुद ताँई पाप बलि चढावै बिकै पाछैई मिनखा ताँई पाप बलि चढावै। पण बो बाकै पाप ताँई खुदनै सदा-सदा ताँई बलि कर दिओ।

इबरानीआ 9:13

क्युं क बकरा अर सांड को लोय अर बछड़ा की भगूती छिड़कर मिनखानै बारनैऊँ रिती-रिवाजा गेल सुद कर्यो जावै ह।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

1 थिसलूनिकी 1:10

अर बिकाळा बेटा ईसु मसीनै ईस्बर नगरी मऊँ ओज्यु आबानै उडिको हो, जिनै बो मरेड़ा मऊँ ओज्यु जीवायो हो, अर बोई आपानै परमेसर का आबाळा परकोपऊँ बचा सकै ह।

कलुसीयो 1:14

बिका बेटा की बजेऊँ आपणानै छुटकारो मिल्यो ह मतबल आपणा पाप की माफी।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

मरकुस 3:29

पण जखो पबितर आत्मा की बुराई करै बिको पाप कदैई कोनी माफ कर्यो जा सकै। अर जखो अंय्यां को पाप करै बो जुग-जुग को पापी हो जावै।”

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

इबरानीआ 9:7

पण परदा क गेलड़ै नाकै का भाग म खाली म्हायाजकई जा सकतो हो, अर बो बी बरस म खाली एकबर। अर म्हायाजक बी बिना बि लोय क कोनी जा सकतो हो जखो बो खुदका अर मिनखा का अणभोळ म करेड़ा पाप क बदलै चढायो जातो हो।

लूका 1:68

“इजरायल का परबु परमेसर की जे हो क बे आपका मिनखा प निगा करी अर बानै छुटायो।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 9:19

क्युं क मूसा नेम-कायदा का सगळा हुकमानै मिनखानै सुणाबा क पाछै बकरा अर बछड़ा को लोय पाणी म मिलार लाल ऊन अर जूफा की डाळ्याऊँ बा सगळा मिनखा प अर बि पोथी प छिड़क दिओ।

इबरानीआ 13:12

इ ताँई, ईसु मिनखानै आपका लोयऊँ पबितर करबा ताँई नगरी क बारनैई दुख भोग्यो।