इबरानीआ 9:10 - जीवन को च्यानणो (सेकावाटी नया नियम की पोथ्या)

¹⁰ क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

इबरानीआ 9:10 Referans Kwoze

कलुसीयो 2:16

इ ताँई खाबो-पीबो, तिहवार, पुन्यु अर अरामहाळा दिन क बारां म बताबाळा नियम सदाई कोनी बण्या रेह्‍वै अर अ रिती-रिवाज छाया जंय्यां का हीं पण सचाई तो मसी मई ह इ ताँई ज कोई थार प आ बाता की बजेऊँ बलेम लगावै जणा बिऊँ दुखी मना होवो।

इफिसुस 2:15

अर नेम-कायदा का हुकमा अर नेम-कायदानै भुजाण दिओ अर यहूदि अर गैर-यहूदिआनै आपसरी म मिलार परमेसर का मिनख बणा दिओ।

इबरानीआ 7:16

जखो मिनखा का आदेसा क आधार प नइ पण जीवन देबाळी सक्‍ति क आधार प बण्यो जखी कदैई नास कोनी होवै।

इबरानीआ 10:22

जणा आओ, आपा सचा हिया अर पूरा बिस्वास क सागै मन का बुरा बिचारानै छिड़कावऊँ सुद करवार कायानै पबितर पाणीऊँ धुलवार परमेसर क कनै चालां।

इबरानीआ 9:1

पेलड़ो करार जखो इजरायली मिनखा अर परमेसर क बिचमै हो, बिमै भगती करबा का नियम काईदा बी हा अर भगती करबा ताँई पबितर झघा बी बणाई गई ही।

इबरानीआ 6:5

अर परमेसर का बचना की भलाई अर आबाळा जुग की उपरी सक्‍तियानै जाणग्यो ह।

इबरानीआ 2:5

जि आबाळा जुग की चरचा आपा करर्या हां बिपै राज करबा ताँई परमेसर ईस्बर नगरी दुतानै कोनी गिण्यो।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

इबरानीआ 6:2

सुद होबा का रिती-रिवाजा की सीख, सीर प हात धरबो, मरेड़ा को ओज्यु जिबो अर आखरी न्याय।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

गलातियो 4:9

पण इब थे परमेसरनै पिछाण लिआ हो अर परमेसर थानै पिछाणै ह। जणा इब थे जगत की बाता कानि जामै दमहाळी बात कोनी अर जखी बेफालतू की ह, ओज्यु बाका गुलाम क्यु होबा जार्या हो?

मरकुस 7:4

अर बे बजार म जार आता जणा बी बिना न्हाई-धोई कर्या रोटी-टुक कोनी खाता। अर आ बातानै छोडर ओर बी बोळी बाता ही जिनै बे निभाता हा, जंय्यां लोटा, घड़ा अर तामा का भांढानै धोबो अर मांजबो )

इबरानीआ 7:12

ज याजकपुणो बदलै ह जणा जरूरी ह क नेम-कायदो बी बदल्यो जावै।