इबरानीआ 8:5 - जीवन को च्यानणो (सेकावाटी नया नियम की पोथ्या)

⁵ अ, जखा परमेसर का पबितर तम्मू की सेवा करीं हीं बो, जखी ईस्बर नगरी म ह बिकिई नकल अर रूप म ह। इ ताँई जद मूसा पबितर झघा बणाबाळो हो जणा बिनै चेतायो गयो हो क, “याद राखजे हरेक चिज बंय्यांई होणी चाए जंय्यां तनै डूँगर प दिखायो गयो हो।”

इबरानीआ 8:5 Referans Kwoze

इबरानीआ 10:1

नेम-कायदा तो आबाळी चोखी बाता की छाया ह। पण ओ बाको असली रूप कोनी ह। इ ताँई चढावा की चिजानै चढावा क रूप म हर बरस चढायो जातो हो जखी परमेसर क कनै आबाळा मिनखानै कदैई सिद कोनी कर सकै।

इबरानीआ 9:9

अर ओ पबितर तम्मू आज का जुग ताँई मिसाल ह, जखो आ दिखावै ह क जखी भेंट अर बलिदान चढायो जार्यो ह बो भगती करबाळा मिनखा की अन्तर-आत्मानै समुळी सुद कोनी कर सकै।

इबरानीआ 12:25

ध्यान राखो, बि बोलबाळानै मना नकारो। ज बे बिनै नकारर कोनी बच पाया, जानै बो धरती पई चेतावनी दि ही, जणा ज आपा बिऊँ मुंडो फेरां, जखो ईस्बर नगरीऊँ चेतावनी देर्यो ह जणा बिऊँ कदैई कोनी बचस्यां।

इबरानीआ 11:7

बिस्वास करबा की बजेऊँई नूह बा बातानै जखी बि टेम का कोनी दिखरी ही। बानै परमेसर का डर क सागै चितावनी मानर आपका परवारनै बचाबा ताँई झाज बणायो हो, अंय्यां कर बो जगतनै दोसी गिण्यो अर बि धारमिक्‍ता को पाँतीवाळ होयो जखी बिस्वास करबाऊँ आवै ह।

भेजेड़ा चेला का काम 7:44

बि उजाड़ म परमेसर को तम्मू जिमै आपणा बापदादा परमेसरऊँ अरदास करता हा बो बी आपणा बाप-दादा क सागै हो। अर ओ ठिक बंय्यांई हो जंय्यां परमेसर मूसानै दिखार बिनै बणाबा ताँई ओडायो हो।

मत्ती 2:12

जद ज्योतसी सोर्या हा जणा सपना म परमेसर बानै चेतायो क, हेरोद कनै मना जायो, जणा बे दुसरा गेलाऊँ आपकै देस चलेग्या।

इबरानीआ 13:10

आपणै कनै अंय्यां की बेदी ह जिकै उपर चढाईड़ा बलिदानानै खाबा की छुट बानै कोनी जखा पबितर तम्मू की सेवा करीं हीं।

दरसाव 15:5

इकै पाछै म ईस्बर नगरी म मनदरनै देख्यो जखो बि तम्मूनै दिखावै ह जिमै दस हुकम धरेड़ा हा। इ मनदर का कुआड़ खोल्या गया।