इबरानीआ 8:2 - जीवन को च्यानणो (सेकावाटी नया नियम की पोथ्या)

² ओ म्हापबितर झघा म सेवा करै ह, आ झघा सचा परमेसर को पबितर तम्मू ह, जिनै कोई मिनख कोनी, पण परबु बणायो ह।

इबरानीआ 8:2 Referans Kwoze

2 कुरन्थीयो 5:1

क्युं क आपा जाणा हां आपणी काया जखी धरती का टापरा की जंय्यां ह जखी माटी होज्यासी। पण आपणा ताँई परमेसर जुग-जुग ताँई रेह्बाळो टापरो बणा राख्यो ह जखो ईस्बर नगरी म ह।

रोमीयो 15:8

म थानै बताऊँ हूँ क बडकाऊँ करेड़ा परमेसर का करार का सचनै, सचो साबित करबा ताँई मसी परमेसर की सचाई गेल यहूदि मिनखा को दास बण्यो।

इबरानीआ 11:10

क्युं क बो बि मजबूत निम हाळी नगरीनै उडिकर्यो हो जिको नक्सो बणाबाळो अर चिणबाळो परमेसर ह।

इबरानीआ 10:21

क्युं क आपणै कनै अंय्यां को म्हायाजक ह जखो ईस्बर नगरी म परमेसर का घर को अधिकारी ह।

कलुसीयो 2:11

थारा खुदका पापी सुभाव का छुटकारा ताँई थारी सची सुन्नत मिनखा क हाताऊँ नइ पण मसीऊँ करेड़ी ह।

लूका 24:44

अर बाऊँ बोल्यो, “अ बे बाता हीं जखी म जनाड़ै बोली ही जद म थारै सागै हो। अ सगळी बात जखी मूसा का नेम-कायदा म, परमेसर की खेबाळा अर भजना की पोथी म मंडरी ह सगळी पूरी होणीई ही।”

इबरानीआ 9:1

पेलड़ो करार जखो इजरायली मिनखा अर परमेसर क बिचमै हो, बिमै भगती करबा का नियम काईदा बी हा अर भगती करबा ताँई पबितर झघा बी बणाई गई ही।

इबरानीआ 10:11

जदकी हरेक याजक खड़्या होर रोजकी धारमिक सेवा पूरी करै ह अर एकई जंय्यां का बलिदान बार-बार चढावै ह जखा कदैई पाप कोनी धो सकै।

दरसाव 21:3

जणा म परमेसर का सिंघासनऊँ एक जोरको हेलो सुण्यो, “देखो! इब परमेसर मिनखा क बिचमै रेह्सी। बाको बास मिनखा क बिचमै होसी। अर बे परमेसर की परजा होसी अर परमेसर खुद बाको परमेसर होसी।