इबरानीआ 8:10 - जीवन को च्यानणो (सेकावाटी नया नियम की पोथ्या)

¹⁰ परबु घोसणा करै ह, जखो करार म बा दिना क पाछै इजरायल का कूणबा क सागै बांदस्युं, बो नयो करार ओ ह क म मेरा नियमानै बाकै हिया म बिठास्युं, अर बानै बाका काळज्या प मांडस्युं, अर म बाको परमेसर होस्युं अर बे मेरा मिनख होसी।

इबरानीआ 8:10 Referans Kwoze

2 कुरन्थीयो 3:3

थे चिठी की जंय्यां हो जिनै खुद मसी मांडी ह अर म्हारै हाता भेजी ह। आ चिठी स्याईऊँ भाठा की पट्या प कोनी मांडी गई पण जीवता परमेसर की पबितर आत्माऊँ मिनखा की हिया की पटी प मांडी गई ह।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

रोमीयो 11:27

अर बाकै सागै मेरो ओ नयो करार ह, क म बाका पापनै दूर कर देस्युँ।”

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

1 पतरस 1:23

क्युं क थे नयो जीवन पाया हो। अर थारो ओ नयो जीवन मिनखऊँ कोनी आयो जिको अंत होवै ह। पण थारो ओ जीवन परमेसरऊँ आयो ह, जिको कोई अंत कोनी। क्युं क थे परमेसर का बचन प बिस्वास कर्या, जखो सदा-सदाई बण्यो रेह्‍वै ह।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

मत्ती 22:32

‘म अब्राहम को परमेसर इसाक को परमेसर अर याकूब को परमेसर हूँ।’ बो मर्या खप्या को कोनी पण जीवता को परमेसर ह।”

इबरानीआ 11:16

पण बानै तो चोखा देस की चाह ही जखो ईस्बर नगरी ह, इ ताँई परमेसर बाको परमेसर बाजबाऊँ कोनी सरमावै, अर परमेसर बा ताँई एक नगरी त्यार करमाली ह।

1 कुरन्थीयो 6:16

थे कोनी जाणो के जखो मिनख रांड क सागै रेह्‍वै ह बो बिकै सागै एक तन होज्यावै ह? क्युं क पबितर सास्तर म मंडेड़ो ह क, “बे दोन्यु एक काया हो होज्यासी।”