इबरानीआ 7:6 - जीवन को च्यानणो (सेकावाटी नया नियम की पोथ्या)

⁶ अर मिलिकीसिदक जखो लेवी वंस को कोनी हो, जणा बी बो अब्राहमऊँ दसवो हिस्सो लिओ हो। अर बो अब्राहमनै आसिरबाद दिओ जिकै कनै परमेसर का करेड़ा करार हा।

इबरानीआ 7:6 Referans Kwoze

रोमीयो 4:13

अब्राहम अर बिकी ओलादानै ओ करार क बे जगत का वारिस होसी, नेम-कायदाऊँ कोनी मिल्या पण बि धारमिक्‍ताऊँ मिल्या जखी बिस्वास की बजेऊँ आई ही।

इबरानीआ 11:17

बिस्वास करबा की बजेऊँई अब्राहम जद बिचास्यो गयो बि टेम का इसाक की बलि चढाबा की पूरी त्यारी करली ही। जदकी परमेसर बिऊँ बोल्यो हो क, “इसाकऊँई तेरो वंस चालसी।” इकै बावजुद बी अब्राहम, जिऊँ करार कर्यो गयो हो आपका एकलोता बेटा की बलि देबानै त्यार होगो।

इबरानीआ 7:1

ओ मिलिकीसिदक सलेम नगरी को राजा हो अर ओ सऊँ सक्‍तिसाली परमेसर को याजक हो। जद अब्राहम बा च्यार राजानै हरा'र पाछो आर्यो हो जाऊँ बो राड़ करी ही जणा ओई याजक बिऊँ मिल्यो अर आसिरबाद दिओ

गलातियो 3:16

अंय्यांई परमेसर अब्राहमऊँ अर बिका वंसऊँ करार कर्यो, परमेसर अंय्यां कोनी बोल्यो क, “म तेरा वंसजाऊँ करार करूं हूँ” वंसजा को मतबल तो बोळा होवै पण बो “वंस” बोल्यो अर आ बात एक मिनखनै दिखावै अर बो मसी ह।

रोमीयो 9:4

जखा इजरायल का हीं अर जानै परमेसर की ओलाद होबा को अधिकार ह। जखा परमेसर की मेमा को दरसण कर लिआ हीं। जखा परमेसर का करारा का भागी हीं। जानै नेम-कायदो, सची भगती अर बचन दियड़ा हीं।

भेजेड़ा चेला का काम 3:25

अर थेई बा करार का वारिस हो जानै परमेसर आपका खेबाळा क जरिए कर्यो हो। ओ करार थारै ताँई ह जिनै परमेसर थारा बडकाऊँ कर्यो हो जंय्यां बो अब्राहमऊँ करार कर्यो हो क तेरी ओलादऊँ सगळी धरतीनै आसिरबाद मिलसी।

इबरानीआ 11:13

अ सगळा बिस्वास क सागैई मर्या। अर आ मिनखानै बे चिजा कोनी मिली जाको बादो कर्यो गयो हो पण अ बानै दूरऊँ देखर राजी होया। अर बे मान लिआ क बे इ जगत म अणजाण अर परदेसी ह।

इबरानीआ 7:7

इमै सक की कोई गुंजाईस कोनी क बडा छोटानै आसिरबाद देवै ह।