इबरानीआ 7:11 - जीवन को च्यानणो (सेकावाटी नया नियम की पोथ्या)

¹¹ परमेसर इजरायल का मिनखानै लेवी याजकपुणा का आधार प नेम-कायदा दिओ। पण लेवी वंस को याजकपुणो परमेसर की नजर्या म मिनखानै धरमी कोनी बणा सक्यो। इ ताँई परमेसरनै दुसरा याजकनै भेजबा की जुर्त पड़ी जिको याजकपुणो लेवी वंस का याजक हारुण का याजकपुणा की जंय्यां कोनी हो। पण बिको याजकपुणो मिलिकीसिदक की रीत गेल हो।

इबरानीआ 7:11 Referans Kwoze

इबरानीआ 8:7

क्युं क ज पुराणा करार म कोई खोट नइ होती जणा दुसरा करार की जुर्तई कोनी पड़ती।

गलातियो 2:21

म परमेसर की दयानै बेकार कोनी जाबा द्‍युँ, क्युं क ज नेम-कायदा की बजेऊँ धारमिक्‍ता मिलती, जणा मसी को मरबो बेकारई ह।

इबरानीआ 7:21

पण ईसु सोगन क सागै बि टेम याजक बण्यो जद परमेसर बिऊँ बोल्यो हो क, “परबु सोगन खाई ह, अर आपका हियानै कदैई कोनी बदलै: ‘तू सदा-सदा को याजक ह।’ ”

इबरानीआ 7:15

अर ओ बदलाव ओर बी साप होगो क्युं क मिलिकीसिदक की जंय्यां को एकोर याजक परगट होगो ह।

इबरानीआ 5:6

अंय्यांई बो एक ओर झघा बोल्यो ह क, “तू मिलिकीसिदक की रीत गेल, सदा-सदाई को याजक ह।”

गलातियो 4:9

पण इब थे परमेसरनै पिछाण लिआ हो अर परमेसर थानै पिछाणै ह। जणा इब थे जगत की बाता कानि जामै दमहाळी बात कोनी अर जखी बेफालतू की ह, ओज्यु बाका गुलाम क्यु होबा जार्या हो?

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

इबरानीआ 5:10

अर बिनै परमेसर, मिलिकीसिदक की रीत गेल म्हायाजक बणायो।

गलातियो 4:3

अर अंय्यां आपणै सागै बि हो। आपा जद टाबरा हा, जणा आपा जगत की आत्मिक सक्‍तिया का गुलाम हा।

इबरानीआ 7:10

क्युं क हाल ताँई तो लेवी वंस निकळ्योई कोनी हो जद मिलिकीसिदक अब्राहमऊँ मिल्यो हो। पण जिमैऊँ ओ वंस निकळ्यो बाको बडको अब्राहमई तो ह।

इबरानीआ 7:12

ज याजकपुणो बदलै ह जणा जरूरी ह क नेम-कायदो बी बदल्यो जावै।

इबरानीआ 7:13

जिकै बारां म अ बाता बोली गई ह बो दुसरा कूणबा को ह अर बि कूणबा को कोईबी मिनख कदैई बेदी प सेवा कोनी करी।

इबरानीआ 9:6

पबितर तम्मू क मांयनै सक्यु इ हिसाबऊँ जचेड़ो हो अर याजक रोजकी पबितर तम्मू क पेलड़ा भाग म जार आपका सेवा का कामनै करता हा।