इबरानीआ 7:1 - जीवन को च्यानणो (सेकावाटी नया नियम की पोथ्या)

¹ ओ मिलिकीसिदक सलेम नगरी को राजा हो अर ओ सऊँ सक्‍तिसाली परमेसर को याजक हो। जद अब्राहम बा च्यार राजानै हरा'र पाछो आर्यो हो जाऊँ बो राड़ करी ही जणा ओई याजक बिऊँ मिल्यो अर आसिरबाद दिओ

इबरानीआ 7:1 Referans Kwoze

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

मरकुस 5:7

अर बार घालतो बोल्यो, “ओ ईसु परमपिता परमेसर का बेटा थारो म्हारो काँई लेणदेण? ज मनै दिन घाल्या तो, थानै परमेसर की सोगन लागै।”

भेजेड़ा चेला का काम 16:17

जणा बा म्हारै गेल आर कूकबा लागी की, “अ मिनख सचा परमेसर का दास हीं जखा थानै छुटकारा को गेलो दिखावीं हीं।”

इबरानीआ 7:2

अर अब्राहम बा सगळी चिजा मऊँ जखी बो राड़ म जीतर ल्यायो हो बाको दसवो हिस्सो बिनै दिओ। मिलिकीसिदक का नाम को पेलो मतबल “धारमिक्‍ता को राजा” होवै ह अर सलेम को राजा होबा की बजेऊँ बिका नाम को मतबल “स्यांती को राजा” बी ह।

इबरानीआ 7:3

जिका नइ तो माँ-बाप अर बडका क बारां म कोई लेखो-जोखो ह अर नइ इका जलम अर मोत क बारां म लेखो-जोखो ह। पण बो परमेसर का बेटा की जंय्यां सदा-सदा को याजक ह।

इबरानीआ 7:6

अर मिलिकीसिदक जखो लेवी वंस को कोनी हो, जणा बी बो अब्राहमऊँ दसवो हिस्सो लिओ हो। अर बो अब्राहमनै आसिरबाद दिओ जिकै कनै परमेसर का करेड़ा करार हा।