इबरानीआ 6:2 - जीवन को च्यानणो (सेकावाटी नया नियम की पोथ्या)

² सुद होबा का रिती-रिवाजा की सीख, सीर प हात धरबो, मरेड़ा को ओज्यु जिबो अर आखरी न्याय।

इबरानीआ 6:2 Referans Kwoze

भेजेड़ा चेला का काम 6:6

अर आनै भेजेड़ा चेला क सामै लेज्यार खड़्या कर दिआ जणा बे बापै हात धर'र अरदास कर दिनी।

भेजेड़ा चेला का काम 24:25

पण जद पोलुस धारमिक्‍ता, खुद प काबू राखबो अर परमेसर को मिनखा प आबाळा न्याय का दिन क बारां म बोलबा लाग्यो जणा फेलिक्स डरगो अर बोल्यो, “इब तो तू जा कदै ओज्यु मोको पड़सीक जणा तनै बुलास्युं।”

भेजेड़ा चेला का काम 23:6

जणा पोलुस आ जा'णर क अठै एक टोळी सदुकीया की अर दुसरी फरिसीया की ह जणा बो पंचायत म जोरऊँ बोल्यो, “ओ यहूदि भाईड़ो, म फरिसी हूँ अर फरिसीया की ओलाद हूँ, अर मरबा क पाछै ओज्यु जी उठबा की मेरी आस की बातनै लेर मेर प मुकदमो चालर्यो ह।”

भेजेड़ा चेला का काम 17:18

बठै बो क्युंक एपिकूरी अर स्तोइकी ज्ञानी मिनखा क सागै बी चरचा करी। क्युंक मिनख कह्या, “ओ गेलो म्हारूँ काँई खेबो चावै ह?” अर क्युंक खेता हा, “लागै ह क ओ कोई पराया देवता की बात करै ह।” क्युं क बो ईसु अर बिकै मर्या पाछै ओज्यु जीबा का चोखा समचार को परचार करतो हो।

भेजेड़ा चेला का काम 16:33

बि रातई बो बानै लेज्यार बाका घाव धोया अर आपका सगळा कूणबा समेत रात्यु-रातई बतिस्मो लिओ।

भेजेड़ा चेला का काम 16:15

अर आपका टाबर-टिकरा सेत्युं बतिस्मो लेबा क पाछै बा म्हारूँ बोली, “ज थे मनै परबु की सची बिस्वासण मानो हो जणा चालर मेरै घरा रेह्ओ ,” अर बा म्हानै मनार लेगी।

भेजेड़ा चेला का काम 10:47

“आ सगळानै आपणी जंय्यांई पबितर आत्मा मिली ह, जणा इब कोई आनै पाणी को बतिस्मो लेबाऊँ मना कर सकै ह के?”

भेजेड़ा चेला का काम 2:41

बोळाजणा बिकी बाता प बिस्वास कर्या अर हात्युहात बतिस्मो ले लिआ, अर बि दिन करीब तीन झार मिनख बाकी टोळी म सामिल होया।

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

यहून्ना 1:33

म तो बिनै कोनी पिछाण्तो हो। पण परमेसर जखो मनै पाणी को बतिस्मो देबा भेज्यो, बोई मेरूँ बोल्यो, ‘जिपै तू पबितर आत्मानै उतरता अर रूकता देखै, जणा जाण जाजै क पबितर आत्मा को बतिस्मो देबाळो ओई ह।’

मरकुस 16:16

अर जखो बी थारी बाता प बिस्वास करसी अर बतिस्मो लेसी बिको छुटकारो होसी अर जखो बिस्वास कोनी करसी बो पापी रेह्सी अर सजा भोगसी।

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

2 पतरस 3:7

पण आज का आसमान अर धरती बिका बचनऊँ इ ताँई बणाएड़ा हीं क, बे बाळ्या ज्यावीं। अर अ जद ताँई अंय्यांई रेह्सी जद ताँई पापी मिनखा को न्याय अर बाको नास नइ होज्यावै।

इबरानीआ 11:35

बिस्वासऊँई लूगायानै बाका मरेड़ा जिंदा होर ओटा मिलग्या। बोळा मिनखानै सतायो गयो, पण बे छुटबाऊँ नट दिआ जिऊँ क बे चोखा जीवन म ओज्यु जिंदा हो सकै।

इबरानीआ 9:10

क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

2 तिमूतियूस 2:18

बे सच को गेलो छोड दिओ अर अंय्यां खेर क, आपानै ओज्यु जिंदगी पेल्याई मिलगी ह क्युंक बिस्वास्या का बिस्वासनै भंगरा दिआ हीं।

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

फलिपी 3:21

बो सगळी चिजानै आपकै बस म करबाळी खुदकी सक्‍तिऊँ आपणी माड़ी अर नसबर कायानै बदलर खुदकी मेमाभरी काया जंय्यां की कर देसी।

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

1 कुरन्थीयो 10:2

बा सगळानै बादळ क तळै अर समदर क मांयनै मूसा की मानबाळा क रूप म बतिस्मो दिओ गयो हो।

रोमीयो 2:16

अ बाता चोखा समचार गेल जिको म परचार करूं हूँ बि दिन होसी जि दिन परमेसर मसी ईसु क जरिए मिनखा की लुखेड़ी बाता को न्याय करसी।

भेजेड़ा चेला का काम 26:8

परमेसर मरेड़ानै जीवावै ह आ बात थारै अठै बिस्वास जोगी क्युं कोनी समजी जावै?

भेजेड़ा चेला का काम 24:21

इनै छोडर की म उची उवाज म बोल्यो हो क, ‘म मरबा क पाछै ओज्यु जी उठबा की बात प बिस्वास करूं हूँ’ इ बजेऊँ आज थे मेरो न्याय करो हो।”

भेजेड़ा चेला का काम 24:15

अर जंय्यां अ परमेसर म आस राखै ह बंय्यांई म बी राखूँ हूँ की सगळा धरमी अर अधरमी दोन्या को ओज्यु जी उठबो होसी।

भेजेड़ा चेला का काम 4:2

अर बे आ दो चेलाऊँ आखता होगा, क्युं क बे बठै मिनखानै आ सीख देर्या हा क ईसु मर के ओज्यु जिंदो होगो अर ओ इ बात को सबूत ह की मरेड़ा ओज्यु जिज्यासी।

यहून्ना 5:29

अर कबराऊँ बारनै आज्यासी। जखा चोखा करम कर्या हीं बे अजर-अमर जीवन ताँई ओज्यु जी उठसी, अर जखा बुरा करम कर्या हीं बे सजा भोगबा ताँई जी उठसी।

लूका 14:14

आ बात तेरै ताँई आसिरबाद होसी क्युं क बाकन तेरो बदलो उतारबा ताँई क्युंई कोनी। अर इको बदलो परमेसर तनै बि दिन देसी जि दिन धरमी मर्या पाछै ओज्यु जी उठसी।”

लूका 12:50

पण मनै तो एक दुखा को बतिस्मो लेणो ह अर जद ताँई म बिनै नइ लेल्युँ मनै चेन कठै?

लूका 11:38

पण आ देखर की ईसु रोटी खाबाऊँ पेली बाका सुद होबा का रिती-रिवाज गेल हात कोनी धोया बि फरिसीनै ताजूब होयो।

लूका 3:16

जणा यहून्ना बा सगळाऊँ बोल्यो, “म तो थानै पाणी को बतिस्मो देर्यो हूँ पण जखो आबाळो ह बो बोळो सक्‍तिसाली ह म तो बिकाळा जूता का सळू खोलबा जोगोई कोनी। अर बो थानै लाय अर पबितर आत्मा को बतिस्मो देसी।

मरकुस 7:8

“थे परमेसर का हुकमानै टाळर मिनखा का रिती-रिवाजानै मानो हो।

मरकुस 7:4

अर बे बजार म जार आता जणा बी बिना न्हाई-धोई कर्या रोटी-टुक कोनी खाता। अर आ बातानै छोडर ओर बी बोळी बाता ही जिनै बे निभाता हा, जंय्यां लोटा, घड़ा अर तामा का भांढानै धोबो अर मांजबो )

मत्ती 3:14

पण यहून्ना अंय्यां बोलर बिनै रोकबा लाग्यो, “मनै तो थारै हातऊँ पबितर आत्मा को बतिस्मो लेबा की जुर्त ह अर थे मेरै कनै आया हो!”

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

भेजेड़ा चेला का काम 13:3

जणा बे बरत अर अरदास कर बाकै माथा प हात म्हेलर बानै बिदा कर्या।