इबरानीआ 5:9 - जीवन को च्यानणो (सेकावाटी नया नियम की पोथ्या)

⁹ बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

इबरानीआ 5:9 Referans Kwoze

इबरानीआ 9:15

इ बजेऊँ मसी नया करार को बिचोलिओ ह जिऊँ जखा बुलाईड़ा हीं बानै बा बादो करेड़ी जुग-जुग ताँई की बापोत दि जावै। अर बा पापऊँ जखा पेलड़ा करार क तळै आता हा बाकी मर'र किमत चुकाई अर बानै अजाद कर्यो।

इबरानीआ 2:10

सगळी चिजा परमेसर ताँई ह अर सक्यु बिऊँई ह। परमेसरनै भायो क बो आपका घणकराक टाबरानै आपकी मेमा म ल्याबा ताँई ईसुनै दुख क जरिए सिद बणावै। बानै छुटकारो देबाळो ईसुई ह।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 9:12

बो बकरा अर बाछ्या का लोयऊँ नइ पण खुदका लोयऊँ एकबर मई म्हापबितर झघा क मांयनै गयो। अर जुग-जुग को छुटकारो पक्को कर दिओ।

भेजेड़ा चेला का काम 5:32

अर आ बाता का गुवा म्हें हा, बंय्यांई पबितर आत्मा बी गुवा ह जिनै परमेसर बिका मानबाळानै दि ह।”

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

इबरानीआ 11:8

बिस्वास करबा की बजेऊँई जद अब्राहमनै बुलायो गयो हो, जणा बो हुकम मानर बि झघा कानि चाल पड़्यो जिको बो वारिस बणबाळो हो। जदकी बो कोनी जाणतो हो क बो कठै जार्यो ह।

2 थिसलूनिकी 1:8

अर जखा परमेसरनै कोनी जाणै अर आपणा परबु ईसु का चोखा समचारनै कोनी मान्या बानै सजा देसी।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

2 कुरन्थीयो 10:5

जणाई म्हें गुमान भरी बाता अर मतानै जखा परमेसर का ज्ञान क खिलाप ह नकारा हां, मसी की मानबा ताँई म्हें म्हारी सोचनै बस म राखां हां।

रोमीयो 15:18

क्युं क म खाली बा बातानै करबाकी हिमत करूं हूँ जानै मसी, गैर-यहूदि मिनखानै परमेसर का हुकमानै मानबा ताँई बचन, करम,

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

रोमीयो 10:16

पण चोखा समचारनै सगळा कोनी मान्या। यसाया बोलै ह, “ओ परबु, म्हारूँ सुणर कूण बिस्वास कर्यो?”

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

इबरानीआ 2:3

जणा पाछै आपा इ बडा छुटकारा की अनदेखी कर कंय्यां बच सकां हां? इ छुटकारा को पेलो हेलो परबु कानिऊँ पाड़्यो गयो हो अर जखा बी इ हेलानै सुण्या हा बे आपणा ताँई इनै पुक्‍तो कर्या।

यहून्ना 19:30

ईसु बा खाटी अँगूरी चांखबा क पाछै बोल्यो, “पूरो होयो।” जणा बे आपकी नाड़ गेर दि अर पिराण तज दिआ।

मत्ती 17:5

पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।”

यहूदा 1:21

आपणा परबु ईसु मसी की दयानै उडिकता रेह्‍ओ, जखो थानै अजर-अमर जीवन देसी। अंय्यां कर थे खुदनै परमेसर का परेम म बचार राखस्यो।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।

इबरानीआ 11:40

क्युं क परमेसर क कनै बिकी इंछ्या गेल आपणा ताँई इऊँ बी चोखी बाता ह जिऊँ बानै बी आपणा सागैई सिद कर्यो जावै।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

लूका 13:32

जणा बो बाऊँ बोल्यो, “जार बि लूंगटीनै बोलद्‍यो म आज अर तड़कै ओपरी बलायानै लोगा मऊँ भगास्युं अर रोगलानै निरोगो करस्युं। अर तीसरै दिन मेरो काम पूरो करस्युं।

भेजेड़ा चेला का काम 4:12

“ईसु क सिवाय आपानै पापऊँ कोईबी कोनी बचा सकै। अर इ धरती प अंय्यां को दुसरो नाम आथई कोनी जखो मिनखानै बचा सकै। क्युं क परमेसर मिनखानै बचाबा ताँई ईसुनैई भेज्यो ह, अर बोई आपानै बचा सकै ह।”

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।