इबरानीआ 5:2 - जीवन को च्यानणो (सेकावाटी नया नियम की पोथ्या)

² बो अज्ञानी अर भटकेड़ा मिनखा क सागै नरमाईऊँ बरताव कर सकै ह। क्युं क बो खुद कमजोर्या क बस म ह।

इबरानीआ 5:2 Referans Kwoze

इबरानीआ 4:15

क्युं क आपणो म्हायाजक अंय्यां को कोनी जखो आपणी कमजोरीनै म्हेसुस कोनी कर सकै; क्युं क बिनै सगळी बाता म आपणी जंय्यां बिचास्यो गयो हो जणा बी बिमै कोई पाप कोनी लाध्यो।

इबरानीआ 2:18

क्युं क ईसु खुदबी दुख भोग्यो जद बो बिचास्यो गयो जिऊँ बो बाकी मदद कर सकै ह जखा बिचास्या जावै ह।

इबरानीआ 7:28

मूसा का नेम-कायदा गेल बणाएड़ा म्हायाजका म तो कमीया ही; पण जखी सोगन नियमा पाछै आई बा, बेटानै टाळी जखो सदा-सदा ताँई निधान म्हायाजक बणगो।

इबरानीआ 12:13

अर खुदका पगा ताँई थे सिदो गेलो बणाओ जिऊँ क जखा मिनख लंगड़ा हीं बे आखड़ै नइ पण निरोगा होज्यावीं।

गलातियो 4:13

थानै याद होगो क, जद म पेलीपोत मेरी बिमारी की दसा म थानैई चोखो समचार सुणायो।

2 कुरन्थीयो 12:5

अंय्यां का मिनख की बजेऊँ म गुमान कर सकूँ हूँ। पण खुदकी कमजोर्यानै छोडर कोईबी बात प खुद प गुमान कोनी करस्युं।

1 तिमूतियूस 1:13

पेल्या म मेरा मुंडाऊँ परमेसर की बुराई करबाळो, परमेसर का मिनखानै दिन घालबाळो अर एक अँधेर करबाळो मिनख हो। इकै पाछै बी मेर प दया होई। क्युं क म एक परमेसर म बिस्वास नइ करबाळा की जंय्यां अणभोळ म अ सगळा काम कर्यो हो।

2 कुरन्थीयो 11:30

ज मनै गुमान करबोई ह जणा म मेरी कमजोरी पई करस्युं।

लूका 22:32

पण म तेरै ताँई परमेसरऊँ अरदास करी ह की तेरो बिस्वास बण्यो रेह्‍वै अर जद तू पाछो जीवन का गेला प आवै जणा तेरा भाई-भाणानै बिस्वास म पक्को करजे।”

इफिसुस 4:18

बाकी मती मरेड़ी ह। बे आपकी अज्ञानता अर हिया की कलडाई की बजेऊँ परमेसर का जीवनऊँ न्यारा ह।

इबरानीआ 2:17

इ ताँई बिनै हर बात म मिनखा जंय्यां को बणायो गयो, जिऊँ बो परमेसर की सेवा करबा ताँई दया करबाळो अर बिस्वास जोगो म्हायाजक बणै। अर मिनखा को परमेसरऊँ ओज्यु मेळ कराबा ताँई बलि होवै।

इबरानीआ 9:7

पण परदा क गेलड़ै नाकै का भाग म खाली म्हायाजकई जा सकतो हो, अर बो बी बरस म खाली एकबर। अर म्हायाजक बी बिना बि लोय क कोनी जा सकतो हो जखो बो खुदका अर मिनखा का अणभोळ म करेड़ा पाप क बदलै चढायो जातो हो।

याकूब 5:19

ओ मेरा लाडला बिस्वास्यो, ज कोई थार मऊँ सचाई का गेलाऊँ भटक जावै अर ज कोई बिनै ओज्यु सई गेलो दिखावै ह,

1 पतरस 2:25

क्युं क पेली थे भटकेड़ी लल्ड्या की जंय्यां हा। पण इब थे थारा गुवाळ्या अर थारी आत्मा की रूखाळी करबाळा कनै ओटा आगा हो।