इबरानीआ 4:11 - जीवन को च्यानणो (सेकावाटी नया नियम की पोथ्या)

¹¹ जणा आओ आपा बि अराम हाळी झघा म बड़बा ताँई पूरी कोसिस करां, क्युं क कदै अंय्यां नइ होवै क आपणा बा बडका की जंय्यां परमेसर का हुकमानै नइ मानबा की बजेऊँ बि अराम हाळी झघा म जाबाऊँ चूक ज्यावां।

इबरानीआ 4:11 Referans Kwoze

इबरानीआ 3:18

परमेसर किकै ताँई सोगन खाई ही क थे मेरी अराम हाळी झघा म कोनी बड़स्यो? के अ बे मिनख कोनी जखा बिका हुकमनै कोनी मान्या?

लूका 13:24

“सकड़ा बारना होर परमेसर का राज म बड़बा ताँई मेनत करो क्युं क बोळाजणा मांयनै बड़बो चासी पण कोनी बड़ सकींगा।

इबरानीआ 6:11

म्हारी तो आई दिली इंछ्या ह क थे हरेक जणा आखीर ताँई इ लगनऊँ काम करता रेह्‍वो, जिऊँ थारी आस पूरी होज्यावै।

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

इबरानीआ 3:12

मेरा लाडला बिस्वास्यो, चेता म रेहज्यो! कदै अंय्यां नइ होवै क कोईसाको हियो बुराई अर भेमऊँ भर जावै जखो बिनै जीवता परमेसरऊँ दूर कर देवै ह।

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

कलुसीयो 3:6

जखा आ कामानै करीं हीं बापै परमेसर को परकोप पड़ै ह।

भेजेड़ा चेला का काम 26:19

जणा म्हराज अगरीपा, म बि दरसावनै कोनी टाळ्यो जखो मेर कनै ईस्बर नगरीऊँ आयो हो।

लूका 16:16

“नेम-कायदा अर परमेसर की खेबाळा की मांडेड़ी बाता को हेलो बतिस्मो देबाळा यहून्ना का दिना ताँई पाड़्यो गयो। पण बतिस्मो देबाळा यहून्ना का टेमऊँ परमेसर का चोखा समचार को हेलो पाड़्यो जार्यो ह। अर सगळानै परमेसर का राज म बड़बा ताँई न्होरा खार नूतो दिओ जार्यो ह।

मत्ती 11:12

बतिस्मो देबाळा यहून्ना की टेमऊँ लेर परमेसर का राज क सागै मारपीट करी जावै ह अर बे मारपीट करबाळा जोरामादी बि राजनै लेबा की कोसिस करै ह।

मत्ती 7:13

“सकड़ा बारना क गेलाऊँ बड़ो क्युं क चोड़ा बारना को गेलो नास कानि लेज्यावै ह। बोळा मिनख ह जखा चोड़ा बारना का गेलाऊँ जार्या हीं।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

इबरानीआ 4:6

सऊँ पेली जखा मिनखानै चोखो समचार सुणायो गयो हो बे अराम हाळी झघा म कोनी बड़ सक्या क्युं क बे खयो कोनी मान्या। इ ताँई हाल बी क्युंक मिनखा क बड़बा ताँई बा अराम हाळी झघा त्यार ह।

2 पतरस 2:6

परमेसर सदोम अर अमोरा जंय्यां की नगर्यानै बाळर राख को ढेर बणा दिओ जिऊँ की पापी मिनखानै सबक मिलै क पापी मिनखा क सागै काँई होसी।