Biblia Todo Logo
Bib sou entènèt

- Piblisite -




इबरानीआ 2:9 - जीवन को च्यानणो (सेकावाटी नया नियम की पोथ्या)

9 पण आपा ईसुनै जखो ईस्बर नगरी दुताऊँ चिनोसोई कम बणायो गयो हो, इब बिनै मेमा अर मान को मुकट पेर्या देखां हां, क्युं क बो मोत की पिड़ा भोगी ह। जिऊँ क बो परमेसर की दयाऊँ सगळा मिनखा ताँई मोत भोगै।

Gade chapit la Kopi




इबरानीआ 2:9
39 Referans Kwoze  

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।


बो आपणो मेळमिलाप परमेसरऊँ कराबा ताँई खुदनै एक बलिदान क रूप म दे दिओ। बो आपणा सगळा पाप धोवै ह , बो आपणाई नइ पण सगळा जगत का मिनखा का पाप धोवै ह।


जंय्यां एक पाप सगळा मिनखा ताँई दंड ल्याओ, बंय्यांई एक धरम को काम सगळा मिनखानै जीवन देबाळी धारमिक्‍ता म लेज्यावै ह।


परमेसर ईसुनै उठार आपकै दाया हात बिठायो जखी आदर की सऊँ उची झघा ह। अर परम-पिता का करार गेल बिनै पबितर आत्मा मिली अर बि आत्मानै बो आपणै उपर पूर दिओ। जिनै थे इब देखर्या अर सुणर्या हो।


“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।


बो सगळा ताँई मर्यो जिऊँ जखा जीवै ह बे खुदका मतबल ताँई नइ जीवै पण बि ताँई जीवै जखो मरेड़ा मऊँ बा ताँई जीवायो गयो ह।


इ ताँई जद मसी इ जगत म आयो हो जणा बो बोल्यो हो क, “तू बलिदान अर चढाओ कोनी चायो, पण मेरै ताँई एक काया त्यार करी ह।


पण परमेसर आपणाऊँ अंय्यां को परेम कर्यो क जद आपा पापीई हा बि टेम का बो मसीनै आपणै ताँई मरबा भेज्यो।


आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।


जद म उचो उठायो जास्युं जणा म सगळानै धरती पऊँ मेरै कानि खींच लेस्युं।”


अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।


जोक्यु मसी कर्यो बिकी बजेऊँ थे परमेसर प बिस्वास करो हो। परमेसर जखो बिनै मरेड़ा मऊँ जीवायो अर मेमा दि, इ बजेऊँई थे परमेसर म आस अर बिस्वास राखो हो।


क्युं क जिनै बी म्हायाजक बणायो जावै ह बो भेंट अर बलि चढाबा ताँई बणायो जावै ह। इ ताँई जरूरी हो क इ म्हायाजक क कनै बी चढावा ताँई क्युंनै क्यु होणो चाए हो।


जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।


अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।


जखो आपका बेटानै बी आपणा सगळा ताँई मरबानै दे दिओ। जणा पाछै बो बिकै सागै आपानै सक्यु क्युं कोनी देसी?


पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,


अब्राहम, इसाक अर याकूब को परमेसर आपणा बाप-दादा को परमेसर अंय्यां कर आपका दास ईसु की मेमा करी ह। जिनै थे अधिकार्यानै पकड़ा दिआ अर जद पीळातुस बिनै छोडबो चातो हो, पण थे बिनै तज दिओ।


नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।


परम-पिता मेरूँ प्यार-परेम करै ह क्युं क म मेरी मरजीऊँ पिराण द्‍युँ हूँ, जिऊँ मेरो पिराण पाछो मिल सकै।


बे बिऊँ बोल्या, “इब तो पुक्‍ता होगो तेरै म ओपरी बलाय ह। अब्राहम अर परमेसर की खेबाळा मरग्या अर तू बोलै ह क, ‘जखो बी मेरी सीखनै मानसी बो कदैई कोनी मरै।’


ईसु बाऊँ बोल्यो, “म थानै सची खेऊँ हूँ अठै खड़्या मिनखा मऊँ कई तो अंय्यां का हीं क बे जद ताँई मिनख का बेटानै बिका राज म आतो नइ देखलीं जद ताँई बे कोनी मरै।”


बिकी आँख्या मानो आग की लाय की लपटा की जंय्यां ही, अर बिकै सीरपै बोळासारा मुकट हा। अर बिपै एक नाम मंडर्यो हो जिनै बिकै अलावा कोईबी कोनी जाणतो हो।


तू मिनखनै ईस्बर नगरी दुताऊँ चिनोसोई कम बणायो ह, तू बिकै माथा प मेमा अर मान को मुकट धर्यो ह


म थानै सची खेऊँ हूँ, अठै खड़्या मिनखा मऊँ कई-कई तो अंय्यां का ह की बे जद ताँई परमेसर का राजनै कोनी देखले जद ताँई बानै मोत कोनी आवै।”


ईसु बाऊँ बोल्यो, “म थानै सची खेऊँ हूँ, अठै खड़्या मिनखा मऊँ कई-कई तो अंय्यां का ह क बे जद ताँई परमेसर का राजनै बिकी सक्‍ति क सागै नइ देखले जद ताँई बानै मोत कोनी आसी।”


गाबल्या की चिंत्या क्युं करो हो? रोई म उगबाळा रोईड़ा का बोजानै देखो बे कंय्यां खिल्या रेह्‍वै ह। बे नइ तो काम करीं अर नइ बे खुद ताँई गाबा सिवीं।


म थारूँ सची बोलुँ हूँ, जखो बी मेरी सीखनै मानसी बो कदैई कोनी मरसी।”


तू धरमीऊँ प्यार अर नियमानै नइ मानबाळाऊँ नफरत करी, इ बजेऊँ परमेसर, तेरो परमेसर, तेर प आनंद का तेलऊँ अभिसेक कर तनै तेरा सात्याऊँ उचो कर्यो।”


बिस्वासऊँ हनोक उपर उठा लिओ गयो जिऊँ बो मोत कोनी भोगी, अर बिको बेरोई कोनी चाल्यो क बो कठै गयो, क्युं क परमेसर बिनै उठा लिओ अर बिकै उठाया जाबाऊँ पेलीई बिकी बडाई करी क बो परमेसरनै राजी कर्यो हो।


आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।


Swiv nou:

Piblisite


Piblisite