इबरानीआ 2:8 - जीवन को च्यानणो (सेकावाटी नया नियम की पोथ्या)

⁸ अर बिकै पगा तळै सक्यु कर दिओ।” अर सक्यु बिकै बस म कर परमेसर क्युं बी कोनी छोड्यो जखो बिकै बस म नइ होवै। पण आजकाल देखबा म कोनी आवै क सक्यु बिकै बस म ह।

इबरानीआ 2:8 Referans Kwoze

यहून्ना 13:3

ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

1 कुरन्थीयो 15:27

क्युं क सास्तर म मंडर्यो ह, “परमेसर सक्यु बिकै अधिकार तळै कर दिओ ह।” पण आ बात साप ह क, सक्यु म परमेसर सामिल कोनी ह क्युं क बो परमेसरई ह जखो सक्यु मसी क अधिकार क तळै कर्यो ह।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

दरसाव 1:18

म बोई हूँ जिकनै जीवन ह। म पेली मरगो हो पण इब सदा-सदा ताँई जिंदो हूँ, मोत अर पताळ की ताळ्या मेरै कनै ह।

इबरानीआ 1:13

परमेसर कदैई कोई ईस्बर नगरी दुतऊँ अंय्यां कोनी बोल्यो क, “तू मेरै दाया हात बेठ, जद ताँई म तेरा बेरीयानै तेरै पगा तळै की चोकी नइ कर द्‍युँ।”

इबरानीआ 2:5

जि आबाळा जुग की चरचा आपा करर्या हां बिपै राज करबा ताँई परमेसर ईस्बर नगरी दुतानै कोनी गिण्यो।

यहून्ना 3:35

परम-पिता आपका बेटाऊँ परेम करै ह अर बिकै हाता म सक्यु सूप दिओ ह।

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।