इबरानीआ 2:11 - जीवन को च्यानणो (सेकावाटी नया नियम की पोथ्या)

¹¹ क्युं क पापऊँ पबितर करबाळो ईसु अर पापऊँ पबितर होबाळा मिनख एकई बाप का हीं; इ ताँई ईसु बानै खुदका भाई खेबाऊँ कोनी सरमावै।

इबरानीआ 2:11 Referans Kwoze

इबरानीआ 10:14

क्युं क बो एकर का चढावा की बजेऊँ बानै जखा पबितर कर्या जार्या हीं सदा-सदा ताँई सिद कर दे।

इबरानीआ 10:10

अर परमेसर की बि इंछ्याऊँ आपा ईसु मसी की कायानै एकर बलिदान करबा की जरिए पबितर कर दिआ गया हां।

यहून्ना 20:17

ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”

इबरानीआ 13:12

इ ताँई, ईसु मिनखानै आपका लोयऊँ पबितर करबा ताँई नगरी क बारनैई दुख भोग्यो।

रोमीयो 8:29

जिनै बो पेल्या टाळ्यो बानै बो बिका बेटा स्यारका बणाबा ताँई ते कर्यो। जिऊँ बोळा भायां म बो पेलीपोत को बणै।

यहून्ना 17:19

म बा ताँई खुदनै पबितर कर थारी सेवा करूँ हूँ, जिऊँ सच क जरिए बे बी पबितर होर थारी सेवा कर सकीं।

यहून्ना 17:21

ओ परम-पिताजी, म चाऊँ हूँ क बा सगळा म एको होवै, ठिक बंय्यांई जंय्यां म थारै म ओर थे मेर म हो। बे बी आपणा म एक होवीं जिऊँ क इ जगत का मिनख बिस्वास करै क थे मनै भेज्या हो।

मत्ती 25:40

जणा बो राजा खेसी, ‘म थारूँ सची बोलर्यो हूँ, जोक्यु बी थे थारा भोळा-ढाळा भाई-भाणा ताँई कर्या हो बो थे मेर ताँई कर्या हो।’

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

गलातियो 4:4

पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

भेजेड़ा चेला का काम 17:26

बो एकई मिनख क जरिए इ धरती प च्यारूमेर मिनख फेलाया। अर बाका टेम अर परदेसा की सीमा ते करी।

इबरानीआ 11:16

पण बानै तो चोखा देस की चाह ही जखो ईस्बर नगरी ह, इ ताँई परमेसर बाको परमेसर बाजबाऊँ कोनी सरमावै, अर परमेसर बा ताँई एक नगरी त्यार करमाली ह।

मरकुस 8:38

ईसु बाऊँ बोल्यो, “जखो बी इ कुकरमी अर सचा परमेसरनै कोनी ध्यार बाळी पिडी मऊँ, मेरूँ अर मेरा बचनाऊँ मुंडो फेरसी जणा मिनख को बेटो बी जद बो पबितर ईस्बर नगरी दुता क सागै अर आपका परम-पिता की मेमा म आसी बो बी बा मिनखाऊँ मुंडो फेर लेसी।”

मत्ती 28:10

जणा ईसु बाऊँ बोल्यो, “डरो मना थे मेरा भाई-भाणाऊँ बोलो क गलिल जाबा ताँई रवानगी करो अर बे मनै बठैई देखसी।”

भेजेड़ा चेला का काम 17:28

क्युं क क्युंक बोली हीं, ‘बिमैई आपणा पिराण, बिमैई आपा डोला-फिरां हां अर बिमैई आपणो बजूद ह।’ जंय्यां क थारा कबी बोलगा क, ‘आपा बिका टाबर हां।’

लूका 9:26

जखो बी, मिनखा क सामै मनै अर मेरा बचनानै मानबाऊँ सरम करसी, जणा मिनख को बेटो बी बाऊँ नातो राखबो आपकी बेजती मानसी जद बो पबितर ईस्बर नगरी दुता, आपका परम-पिता अर खुदकी मेमा म आसी।

मरकुस 3:34

ईसु आपकै च्यारूमेर बेठ्या मिनखानै देखर बोल्यो, “देखो अ मेरी माँ अर मेरा भाई हीं।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।