इबरानीआ 2:10 - जीवन को च्यानणो (सेकावाटी नया नियम की पोथ्या)

¹⁰ सगळी चिजा परमेसर ताँई ह अर सक्यु बिऊँई ह। परमेसरनै भायो क बो आपका घणकराक टाबरानै आपकी मेमा म ल्याबा ताँई ईसुनै दुख क जरिए सिद बणावै। बानै छुटकारो देबाळो ईसुई ह।

इबरानीआ 2:10 Referans Kwoze

रोमीयो 11:36

क्युं क सगळा को रचबाळो बोई ह। बिऊँ सगळा हीं अर बे बी ताँई हीं। बिकी सदाई मेमा हो! अंय्यांई होवै।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

लूका 24:46

अर बो बानै बोल्यो, “अ बेई बाता हीं जखी पबितर सास्तर म मंडेड़ी ह की, ‘मसी दुख भोगसी अर मर्या पाछै तीसरै दिन ओज्यु जी उठसी।’

लूका 24:26

काँई मसी ताँई ओ जरूरी कोनी हो क बो आ दुख-तकलिफानै भोगै अर आपकी मेमा धारण करै?”

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

1 कुरन्थीयो 8:6

पण आपणो तो एकई परमेसर ह अर बो आपणो परम-पिता ह बोई सक्यानै रच्यो। अर एकई परबु ह, अर बो परबु ईसु मसी ह जिमै सगळी चिजा ह अर जिमै सक्यानै रच्यो गयो अर जिमै आपा जीवां हां।

इबरानीआ 7:28

मूसा का नेम-कायदा गेल बणाएड़ा म्हायाजका म तो कमीया ही; पण जखी सोगन नियमा पाछै आई बा, बेटानै टाळी जखो सदा-सदा ताँई निधान म्हायाजक बणगो।

इफिसुस 3:10

जिऊँ परमेसर का भात-भात का ज्ञाननै बिस्वास्या की बिस्वासी मंडळी क हाताऊँ उपरी सक्‍तिया प राज करबाळा अर अधिकार्यानै बतावै।

दरसाव 4:11

“ओ म्हारा परबु अर म्हारा परमेसर, थेई मेमा, ईज्जत अर ताकत जोगा हो। क्युं क थेई सगळी चिजानै रच्या हो, थारीई इंछ्याऊँ अ सगळी चिजा रची गई ह, अर जीवै ह।”

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

रोमीयो 9:23

जिऊँ जानै बो पेल्याऊँई मेमा ताँई त्यार करमाल्यो हो अर बिकी दया क जोगा हा बापै बो आपकी भरपूर मेमा परगट कर सकै।

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

दरसाव 7:9

इकै पाछै म देख्यो क मेरै सामै मिनखा की बोळी बडी भीड़ ही जिनै कोईबी कोनी गिण सकतो हो, बि भीड़ म सगळा कूणबा का मिनख, देस, बोली, अर हर दिसावर का मिनख हा , जखा बि सिंघासन अर उन्या क सामै खड़्या हा। बे धोळा गाबा पेरमाल्या हा अर हाता म खजूर की डाळ्यां ले राख्या हा।

1 पतरस 5:1

इब म, थारै माला बिस्वासी मंडळी का मुखियाऊँ अरदास करूं हूँ। म खुद एक बिस्वासी मंडळी को मुखियो हूँ अर मसी जखो दुख भोग्यो हो बिको म गुवा हूँ अर आबाळी मेमा को म पाँतीवाळ हूँ।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

इबरानीआ 7:26

अर आपानै तो अंय्यां कोई म्हायाजक चाए हो जखो पबितर, निरदोस, पापी मिनखाऊँ न्यारो, सुद अर जिको ईस्बर नगरी म उचो पद हो।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

2 कुरन्थीयो 6:18

म थारो बाप होस्युं, अर थे मेरा छोरा-छोरी होस्यो। आ बात सऊँ सक्‍तिसाली परबु खेवै ह।”

2 कुरन्थीयो 5:18

अ सगळी बाता परमेसर करी ह। बो मसी की बजेऊँ आपणै सागै रिस्तो सई कर्यो अर आपानै परमेसर क सागै मिनखा को ओज्यु मेळमिलाप करबा की सेवा दिनी ह।

2 कुरन्थीयो 4:17

अर ओ स्यातेक को कळेस आपणा ताँई जुग-जुग की मेमा लेर आसी जिकै सामै ओ स्यातेक को कळेस क्युंई कोनी।

1 कुरन्थीयो 2:7

पण आपा परमेसर का बि भेदभर्या सच अर लुखेड़ा ज्ञान को हेलो पाड़ां हां, जिनै परमेसर आपणी मेमा करबा ताँई जुगादऊँई ते कर राख्यो ह।

यहून्ना 19:30

ईसु बा खाटी अँगूरी चांखबा क पाछै बोल्यो, “पूरो होयो।” जणा बे आपकी नाड़ गेर दि अर पिराण तज दिआ।

यहून्ना 11:52

अर खाली यहूदि मिनखा ताँई नइ पण तीनतेरा होईड़ा परमेसर का मिनखानै एक काया की जंय्यां एक सागै भेळा करबा ताँई बी मरसी।

लूका 13:32

जणा बो बाऊँ बोल्यो, “जार बि लूंगटीनै बोलद्‍यो म आज अर तड़कै ओपरी बलायानै लोगा मऊँ भगास्युं अर रोगलानै निरोगो करस्युं। अर तीसरै दिन मेरो काम पूरो करस्युं।

लूका 2:14

क, “ईस्बर नगरी म परमेसर की जे-जैकार हो अर धरती प बा मिनखानै स्यांती मिलै जिऊँ बो राजी ह।”