इबरानीआ 13:9 - जीवन को च्यानणो (सेकावाटी नया नियम की पोथ्या)

⁹ भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

इबरानीआ 13:9 Referans Kwoze

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

रोमीयो 14:6

जखो मिनख कोई दिननै खास दिन मानै ह बो अंय्यां परबुनै आदर देबा ताँई करै ह। अर जखो सक्यु खावै ह बो बी परबुनै मान देबा ताँई खावै ह, क्युं क बे रोटी ताँई परमेसरनै धनेवाद देवीं हीं। जखा क्युंक चिजा कोनी खावीं बे बी अंय्यां परबुनै मान देबा ताँई करीं हीं। अर परमेसरनै धनेवाद देवीं हीं।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

भेजेड़ा चेला का काम 20:30

अर थारै मऊँ बी अंय्यां का मिनख खड़्या होसी जखा टेडी मेडी बाता बोलर बिस्वास्यानै आपकै गेल कर लेसी।

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

1 तिमूतियूस 6:20

ओ तिमूतियूस, जखो तनै सोप्यो गयो ह बिनै समाळर राख। दुनियादारी की बात अर बकवास जिरैऊँ खुदनै परै राख जिनै क्युंक मिनख गळतीऊँ “ज्ञान” बोलै ह।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

2 थिसलूनिकी 2:17

बो था सगळानै चोखा कामा अर बचना म पक्को करै अर थारा हिया म हिमत बंधवावै।

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

मत्ती 24:4

ईसु बानै बोल्यो, “थे समळर रेहज्यो थानै कोई छळ नइ ले।

कलुसीयो 2:4

अंय्यां म इ ताँई बोलुँ हूँ क कोई थानै आपकी मिठी-मिठी बाताऊँ धोको नइ दे सकै।

2 कुरन्थीयो 1:21

बो परमेसरई ह जखो ईसु मसी की बजेऊँ थानै म्हानै सागै जो'ड़र पक्को कर्यो अर आपणो अभिसेक कर्यो ह।

1 कुरन्थीयो 8:8

अर बो परसाद आपानै परमेसर क कनै लेर कोनी जावै। इ ताँई ज आपा परसाद ना खावां जणा आपणो क्युंई कोनी घटै अर ज खावै जणा क्युंई बढै कोनी।

रोमीयो 14:17

क्युं क परमेसर को राज खाबो-पीबो कोनी पण बो तो धारमिक्‍ता, स्यांती अर पबितर आत्माऊँ मिलबाळो सुक ह।

रोमीयो 14:2

क्युंक मिनखा को बिस्वास बानै सक्यु खाबा की इजाजत देवै ह, पण जखो बिस्वास म कमजोर ह बो साग-पातई खावै।

भेजेड़ा चेला का काम 20:32

अर इब म थानै परमेसर की साळसमाळ अर बिकी दया का बचना म सूपूँ हूँ जखो थानै तगड़ो करसी अर जखी बापोत परमेसर का सगळा मिनखा ताँई ह बा थानै बी देसी।

2 थिसलूनिकी 2:2

ज थे कोईऊँ अंय्यां सुणो क परबु क ओज्यु आबा को दिन आग्यो ह जणा थे उकचुक मना होज्यो, नइ दरमई घबराज्यो। नइ कोई आत्माऊँ, नइ बोलऊँ नइ कोई लिखावटऊँ जखी म्हारी सी क्युना लागै जणा बी बिको बिस्वास मना करज्यो।

1 कुरन्थीयो 6:13

खेबत म आवै ह क, “रोटी पेट ताँई अर पेट रोटी ताँई होवै ह” पण परमेसर आ दोन्यानैई नास कर देसी। अर आपणी काया कुकरम करबा ताँई कोनी पण परबु की सेवा करबा ताँई ह। अर काया ताँई परबु बंदोबस्त करै ह।

गलातियो 6:1

ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

लूका 5:38

जणाई तो लोग ताजा अँगूरीनै नई बखाल म भरीं हीं।