इबरानीआ 12:2 - जीवन को च्यानणो (सेकावाटी नया नियम की पोथ्या)

² आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 12:2 Referans Kwoze

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

फलिपी 1:6

अर मनै पक्को बिस्वास ह की जखो चोखो काम परमेसर थारै म चालू कर्यो हो बो इ कामनै ईसु मसी क ओज्यु आबा का दिन ताँई पूरो कर देसी।

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

यहून्ना 6:40

क्युं क मेरा परम-पिता की इंछ्या आ ह क जखो बी बेटानै देखै ह। अर बिपै बिस्वास ल्यावै ह बिनै अजर-अमर जीवन मिलै, अर आखरी दिन म खुद बिनै जीवा देस्युँ।”

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

लूका 24:26

काँई मसी ताँई ओ जरूरी कोनी हो क बो आ दुख-तकलिफानै भोगै अर आपकी मेमा धारण करै?”

यहूदा 1:21

आपणा परबु ईसु मसी की दयानै उडिकता रेह्‍ओ, जखो थानै अजर-अमर जीवन देसी। अंय्यां कर थे खुदनै परमेसर का परेम म बचार राखस्यो।

इबरानीआ 8:1

जोक्यु बी म्हें खेर्या हां बा सगळी बाता मऊँ बडी बात तो आ ह क आपणै कनै अंय्यां को म्हायाजक ह जखो ईस्बर नगरी म सऊँ सक्‍तिसाली क दायणै हात सिंघासन प बिराजमान ह।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

फलिपी 3:20

पण आपा तो ईस्बर नगरी का रेह्बाळा हां, अर आपणानै बचाबाळा परबु ईसु मसी की जखो ईस्बर नगरीऊँ आबाळो ह आस लगार बाट उडिकर्या हां।

मरकुस 14:36

अर बो बोलबा लाग्यो, “अब्बा ओ परम-पिता थारै ताँई क्युंई ओखो कोनी। इ दुख का कचोळानै मेरूँ नाकै कर दे, पण जंय्यां म चाऊँ बंय्यां नइ हो पण जंय्यां तू चावै बंय्यांई होवै।”

दरसाव 2:8

“स्मुरना की बिस्वासी मंडळी का मुखियानै मांड। अ बात बिकै कानिऊँ ह जखो पेलो अर आखरी ह, जखो मरगो हो पण ओज्यु जिंदो होगो।

इबरानीआ 13:13

जणा आओ आपाबी बिकी बेजतीनै लेर, डेरा क बारनै बिकन चालां।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

यहून्ना 13:3

ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।

लूका 17:5

बे चेला जानै भेजेड़ा चेला क नामऊँ बोल्या जाता हा बे कह्या, “परबु म्हारा बिस्वासनै बढा।”

मरकुस 9:24

बि छोरा को बाप रोयो अर ईसुऊँ बोल्यो, “ओ परबु म बिस्वास राखूँ हूँ, पण मेरा भेमनै दूर करदे।”

इबरानीआ 12:3

इ ताँई बिपै ध्यान द्‍यो, क्युं क बो पाप्याऊँ अंय्यां का विरोध सेलिआ जिऊँ क थे नइ थको अर नइ हार मानो।

इफिसुस 2:16

अर सुळी प ईसु मसी बैर-भावनै नास कर दोन्यानै एक काया बणार परमेसरऊँ मिला दिओ।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

यहून्ना 12:32

जद म उचो उठायो जास्युं जणा म सगळानै धरती पऊँ मेरै कानि खींच लेस्युं।”

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

इबरानीआ 10:14

क्युं क बो एकर का चढावा की बजेऊँ बानै जखा पबितर कर्या जार्या हीं सदा-सदा ताँई सिद कर दे।

यहून्ना 12:24

म थारूँ सची बोलर्यो हूँ, ग्युं को दाणो जद ताँई माटी म नइ पड़ै अर नइ मरै, बो एकलोई रेह्‍वै ह। पण मर्या पाछै बो बोळो फळै ह।

यहून्ना 8:56

थारो बाप अब्राहम, मेरा आबा का दिननै देखबा ताँई राजी होयो। बो देख्यो, अर राजी होयो।”

यहून्ना 1:29

आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।

लूका 23:11

जणा हेरोद अर बिका सिपाईड़ा बिको मजाक उडायो। अर बिको निरादर कर बिनै एक मेंगो चोळो पिरा'र ओटो पीळातुस क कनै भेज दिओ।

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

मत्ती 16:21

बि टेमई ईसु चेलानै बताबा लाग्यो क, “मनै यरूसलेम जाणो पड़सी अर बठै परधान याजक, यहूदि नेता अर सास्तरानै सीखाबाळा मनै बोळो दुख देसी, अर मार गेरसी पण म तीसरा दिन ओज्यु जिंदो हो जास्युं।”

दरसाव 1:17

जद म बिनै देख्यो जणा बिका पगा म मरेड़ा मिनख की जंय्यां पड़गो। अर बो आपको दाइणो हात मेर प धर मेरूँ बोल्यो, “डरै मना। म पेलो अर आखरी हूँ।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

इबरानीआ 7:19

क्युं क नेम-कायदा ख्यानैई निधान कोनी बणायो। पण एक अंय्यां की चोखी आस की पिछाण कराई गई ह जिकै जरिए आपा परमेसर क कनै जा सकां हां।

इबरानीआ 1:13

परमेसर कदैई कोई ईस्बर नगरी दुतऊँ अंय्यां कोनी बोल्यो क, “तू मेरै दाया हात बेठ, जद ताँई म तेरा बेरीयानै तेरै पगा तळै की चोकी नइ कर द्‍युँ।”

भेजेड़ा चेला का काम 2:36

“आ बात म इ ताँई खेऊँ हूँ, क इजरायल का रेह्बाळा आ बात ढंगऊँ जाणज्यावै क जि ईसुनै थे सुळी प चढायो हो। बिनैई परमेसर परबु अर मसी बणायो हो।”

मरकुस 9:12

ईसु बाऊँ बोल्यो, “सगळी बातानै सई करबा ताँई पक्कोई एलिआ पेल्या आसी। पण मिनख का बेटा क बारां म पबितर सास्तर म ओ क्युं मंडर्यो ह क बिनै बोळो दुख भोगणो पड़सी। अर लोग बिनै ठुकरासी?

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

इबरानीआ 11:36

कया को तमासो बणायो गयो, कया क बेत मारी गई, कयानै बां'दर जेळ म गेर्यो गयो।

इबरानीआ 10:33

कई बर तो मिनखा क सामै थारी बेजती करी गई अर सतायो गयो, अर कई बर थे बाका साती होर बाकै सागै खड़्या होया जाकै सागै अंय्यां को बरताव कर्यो जार्यो हो।

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

भेजेड़ा चेला का काम 3:15

अर बि जिंदगी देबाळानै मार गेर्यो पण परमेसर बिनै मोतऊँ जिंदो कर दिओ, अर इ बात का म्हें गुवा हा।

1 कुरन्थीयो 1:18

मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।

1 कुरन्थीयो 1:23

पण म्हें तो सुळी प चढाईड़ा ईसु मसी को हेलो पाड़ां हां, जखो यहूदि मिनखा ताँई आखळी अर गैर-यहूदि मिनखा ताँई बकवास ह।

याकूब 2:1

मेमाभर्या परबु ईसु मसी प बिस्वास करबाळा मेरा लाडला बिस्वास्यो, थारै मांय भेद-भाव नइ होणो चाए।

मरकुस 15:28

[अर पबितर सास्तर क मांयनै जखा बचन मंडेड़ा हा बे पूरा होया क, ईसु अपराद्‍या क सागै लटकायो जासी।]