इबरानीआ 12:10 - जीवन को च्यानणो (सेकावाटी नया नियम की पोथ्या)

¹⁰ आपणा बाप तो आपकी समजऊँ क्युंक टेम ताँई जंय्यां बानै सई लागतो हो आपानै दकालता हा, पण परमेसर तो आपणो भलो होबा ताँई आपणै दकाल लगावै ह, जिऊँ आपा बिकी पबितरता का भागी हो सकां।

इबरानीआ 12:10 Referans Kwoze

2 पतरस 1:4

इ बजेऊँ बो आपणाऊँ बडा-बडा अर किमती करार कर्या हीं, जिऊँ आपणा म परमेसर को सुभाव आ सकै, जिऊँ आपा आपणी बुरी इंछ्या अर इ दुनिया की बुराईऊँ बच सकां।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

कलुसीयो 1:22

पण इब, हाड-मास की काया म बिकी मोतऊँ परमेसर थारूँ बी मेळमिलाप कर लिओ। जिऊँ थानै पबितर, बिना कळंक अर निरदोस बणार आपकै सामै लेर आवै।

इफिसुस 4:24

अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

1 पतरस 2:5

जणा इब थे बी जीवता भाठा की जंय्यां हो, जाऊँ परमेसर आपको आत्मिक घर बणार्यो ह। थे पबितर याजक बी हो, जखा आपका आत्मिक चढावानै ईसु मसी क जरिए परमेसरनै राजी करबा ताँई चढाओ हो।

इबरानीआ 12:14

सगळा क सागै मेळमिलाप राखबा अर पबितर होबा ताँई हरेक जंय्यां कोसिस करो क्युं क बिना पबितरता क कदैई कोई परबुनै कोनी देख सकै।