इबरानीआ 11:8 - जीवन को च्यानणो (सेकावाटी नया नियम की पोथ्या)

⁸ बिस्वास करबा की बजेऊँई जद अब्राहमनै बुलायो गयो हो, जणा बो हुकम मानर बि झघा कानि चाल पड़्यो जिको बो वारिस बणबाळो हो। जदकी बो कोनी जाणतो हो क बो कठै जार्यो ह।

इबरानीआ 11:8 Referans Kwoze

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

रोमीयो 10:16

पण चोखा समचारनै सगळा कोनी मान्या। यसाया बोलै ह, “ओ परबु, म्हारूँ सुणर कूण बिस्वास कर्यो?”

1 पतरस 4:17

क्युं क बा घड़ी आबाळी ह जद पेल्या तो परमेसर का मिनखा को न्याय कर्यो ज्यासी; अर न्याय की सरूआत आपणाऊँई होसी जणा बाको काँई होसी जखा परमेसर का चोखा समचारनै कोनी मानी?

इबरानीआ 11:33

बे बिस्वास करबा की बजेऊँई राजपाटानै जीत लिआ, बे धरम का काम कर्या अर जोक्यु बी परमेसर बानै देबा को बादो कर्यो हो बो सक्यु बानै मिल्यो। बे नार का मुंडानै बंद कर दिआ,

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

1 पतरस 3:1

जंय्यां दास आपका मालिक क बस म रेह्‍वै ह बंय्यांई ओ लूगायो, थे बी थारा मोट्यारा की मानो। जिऊँ ज कोईसी को मोट्यार परमेसर का बचन प नइ चालबाळो होवै जणा बिऊँ कोईनै क्युं बोलबा की जुर्त कोनी पण बो आपकी लूगाई का बरतावनै देखरई परमेसर का बचन प चालबा लागज्या।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

2 कुरन्थीयो 10:5

जणाई म्हें गुमान भरी बाता अर मतानै जखा परमेसर का ज्ञान क खिलाप ह नकारा हां, मसी की मानबा ताँई म्हें म्हारी सोचनै बस म राखां हां।

मत्ती 2:21

जणा युसूफ टाबर अर बिकी माँनै सागै लेर इजरायल देस म आगो।