इबरानीआ 10:10 - जीवन को च्यानणो (सेकावाटी नया नियम की पोथ्या)

¹⁰ अर परमेसर की बि इंछ्याऊँ आपा ईसु मसी की कायानै एकर बलिदान करबा की जरिए पबितर कर दिआ गया हां।

इबरानीआ 10:10 Referans Kwoze

इबरानीआ 10:14

क्युं क बो एकर का चढावा की बजेऊँ बानै जखा पबितर कर्या जार्या हीं सदा-सदा ताँई सिद कर दे।

इबरानीआ 10:12

पण ईसु मसी तो एक याजक क रूप म एकरई पाप क बदलै सदा ताँई को चढाओ चढार परमेसर क दायणै हात जार बेठगो।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

इबरानीआ 7:27

अर बिनै इकी जुर्त कोनी ही क बो म्हायाजका की जंय्यां पेल्या खुद ताँई पाप बलि चढावै बिकै पाछैई मिनखा ताँई पाप बलि चढावै। पण बो बाकै पाप ताँई खुदनै सदा-सदा ताँई बलि कर दिओ।

यहून्ना 17:19

म बा ताँई खुदनै पबितर कर थारी सेवा करूँ हूँ, जिऊँ सच क जरिए बे बी पबितर होर थारी सेवा कर सकीं।

इबरानीआ 13:12

इ ताँई, ईसु मिनखानै आपका लोयऊँ पबितर करबा ताँई नगरी क बारनैई दुख भोग्यो।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

इबरानीआ 9:12

बो बकरा अर बाछ्या का लोयऊँ नइ पण खुदका लोयऊँ एकबर मई म्हापबितर झघा क मांयनै गयो। अर जुग-जुग को छुटकारो पक्को कर दिओ।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

इबरानीआ 10:20

बो आपणा ताँई बि परदा क जरिए जखी बिकी काया ह एक नयो अर जीवतो गेलो खोल दिओ।

इबरानीआ 9:26

अर ज अंय्यां होतो जणा मसीनै इ सरस्टि की सरूआतऊँ लेर कई बार पिड़ा भोगणी पड़ती; पण इब बो इ जुग क आखरी म सगळा ताँई एकबरई परगट होगो, जिऊँ बो खुदई बलिदान होर पाप को नास कर दे।

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

1 यहून्ना 5:6

ईसु मसी जखो आपणै कनै पाणी अर लोय क सागै आयो। बो बस पाणी को बतिस्मो लेबाई कोनी आयो पण बोतो इकै सागै आपको लोय बहाबा ताँई आयो। इ बात की गुवाई परमेसर की आत्मा देवै ह अर आत्मा की गवाई सची ह।

यहून्ना 19:34

पण बामैऊँ एक सिपाईड़ो ईसु की कोल म भालो घोप्यो जिऊँ लोय अर पाणी भे निकळ्यो।

इबरानीआ 2:11

क्युं क पापऊँ पबितर करबाळो ईसु अर पापऊँ पबितर होबाळा मिनख एकई बाप का हीं; इ ताँई ईसु बानै खुदका भाई खेबाऊँ कोनी सरमावै।

इबरानीआ 10:5

इ ताँई जद मसी इ जगत म आयो हो जणा बो बोल्यो हो क, “तू बलिदान अर चढाओ कोनी चायो, पण मेरै ताँई एक काया त्यार करी ह।

यहून्ना 6:51

बा जीवती रोटी म हूँ जखी ईस्बर नगरीऊँ उतरी। जखो बी इ रोटीनै खासी बो सदाई जिंदो रेह्सी। अर इ जगत का मिनखानै जीबा ताँई जखी रोटी म देस्युँ, बो मेरो मास ह।”

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

इफिसुस 5:26

जिऊँ बिस्वासी मंडळीनै मसी परमेसर का बचना अर पाणी का बतिस्माऊँ धोर पबितर अर उजळी बणावै,

इबरानीआ 5:7

ईसु जद काया म इ धरती प हो बा दिना म बो जोर-जोरऊँ अर रो-रोर बिऊँ अरज अर अरदास करतो रिह्यो जखो बिनै मोतऊँ बचा सको हो। अर बिकी भगती की बजेऊँई बिकी सुणी गई।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 10:29

जणा थे सोचो बो कत्ती सजा भोगसी जखो आपका पगा तळै परमेसर का बेटानै चिथ्यो, अर बि नया करार का लोयनै जखो बिनै पबितर कर्यो हो सूगलो जाण्यो, अर दया करबाळी पबितर आत्मा को अनादर कर्यो।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।