गलातियो 6:2 - जीवन को च्यानणो (सेकावाटी नया नियम की पोथ्या)

² अर थे एक दुसरानै दुख की घड़ी म सारो द्‍यो, अर ज थे अंय्यां करस्यो जणा मसी का नेम-कायदानै मानबाळा होस्यो।

गलातियो 6:2 Referans Kwoze

रोमीयो 15:1

आपा जखा बिस्वास म मजबूत हां, आपानै चाए क जखा बिस्वास म कमजोर हीं बानै सेण करां। आपा खुदनैई राजी नइ करां।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

1 यहून्ना 4:21

मसी आपानै ओ हुकम दिओ ह क, ज आपा परमेसरऊँ परेम करां हां जणा आपानै पाड़ोसी भाईड़ाऊँ बी परेम करबो चाए।

याकूब 2:8

पबितर सास्तर म सगळा हुकमा म स्याही हुकम ओ ह क, “थे थारा पड़ोसीऊँ खुदकी जंय्यांई प्यार करज्यो।” अर ज थे इनै मानो हो जणा चोखोई करो हो।

यहून्ना 15:12

मेरो हुकम ओ ह, थे आपसरी म परेम राखो, जंय्यां क म थारूँ परेम करूं हूँ।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

मत्ती 8:17

अंय्यां इ ताँई होयो क्युं क यसाया परमेसर की खेबाळो जखो खयो हो बो पूरो होवै: बे आपणा रोगानै खुद प लेर अर आपणी बिमार्यानै सेण कर दूर कर दिनी।

गलातियो 6:5

क्युं क हरेक मिनखनै खुदको बोज उठाणो चाए।

1 कुरन्थीयो 9:21

अर जखा गैर-यहूदि मिनख हा बानै मसी म बचाबा ताँई म गैर-यहूदि मिनख की जंय्यां जियो यहूदि नेम-कायदा क बिपरीत। इको मतबल ओ कोनी क म परमेसर का नेम-कायदानै कोनी मानू। नइ, पण म मसी का नेम-कायदा क तळै जिऊँ हूँ।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

लूका 11:46

जणा ईसु बिनै टक्कोसो जुबाब दिओ, “ओ सास्तरानै सीखाबाळो थार प बी हाय ह। क्युं क थे मिनखा प अंय्यां का बोज लादो हो। जिनै उठाबो कलडो ह। अर थे बि बोजनै उठाबा ताँई बानै आँगळी को सारोई कोनी द्‍यो।

याकूब 1:25

पण जखो मिनख अजादि देबाळा सिद नेम-कायदा प ध्यान लगार चालै ह बिनै बिका कामा म आसिस मिलै क्युं क जखो बो सुणै ह बिनै भूलै कोनी अर जंय्यां बो सुणै ह बंय्यांई बो करै ह।

याकूब 2:12

थे बा मिनखा की जंय्यां बोलो अर भेवार करो जखा को न्याय अजाद करबाळा नेम-कायदा गेल होवै ह।

2 पतरस 2:21

आ मिनखा ताँई तो ओ चोखो होतो क अ इ धारमिक्‍ता का गेलानैई कोनी जाणता, अर जखो हुकम बानै दिओ गयो हो बिऊँ बे मुंडो फेर लेता।

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।