गलातियो 6:12 - जीवन को च्यानणो (सेकावाटी नया नियम की पोथ्या)

¹² जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।

गलातियो 6:12 Referans Kwoze

गलातियो 5:11

ओ मेरा लाडला बिस्वास्यो, ज म सुन्नत को परचार करतो जणा म क्यु सतायो जातो? ज म सुन्नत करबा की खेतो जणा मसी क सुळी क बारां म जखो समचार म सुणायो हो बि ताँई मनै कोई परेसानी नइ होणी चाए ही।

कलुसीयो 2:23

ईस्बर नगरी दुतानै पूजबो, आपकी कायानै दुख देबो, देख-दिखावा की नरमाई अ मिनखा का बणाएड़ा झूठा नियम, ज्ञान की बाता तो लागै पण काया की बासनानै रोकबा ताँई अ क्युंई फाईदो कोनी करै।

2 कुरन्थीयो 11:13

क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।

भेजेड़ा चेला का काम 15:1

इकै पाछै यहूदिआ परदेसऊँ आर क्युंक मिनख बिस्वासी मंडळी का भाईड़ानै सीखाया क, “ज मूसा की रीत गेल थारी सुन्नत नइ करी जावै जणा थानै छुटकारो कोनी मिल सकै।”

गलातियो 2:3

तितूस जखो मेरै सागै यरूसलेम आयो हो बिकै यूनानी होबा क वावजुद बि बे बिकी सुन्नत करबा की जोर-जबरदस्ती कोनी कर्या।

लूका 16:15

ईसु बाऊँ बोल्यो, “थे तो मिनखा म देख-दिखावा का धरमी हो। पण परमेसर तो थारा हियानै जाणै ह, क्युं क जखी चिज मिनखा की नजर्या म बोळी खास ह बिको परमेसर की नजर्या म काँई मोल?

फलिपी 3:18

म थानै पेल्या बी कई बार आ बात बता दिनी ही अर इब बी म थानै आसुआ क सागै ओज्यु बताऊँ हूँ, क अंय्यां का बोळा हीं जखा सुळी प मसी की मोत का बेरी बणर जीवै ह।

फलिपी 2:4

अर हरेक खुदका फायदा किई नइ पण दुसरा की बी चिंत्या राखो।

फलिपी 1:15

आ बात बी साची ह क, क्युंक ह जखा जळता-बळता अर राड़ करबा ताँई मसी को हेलो पाड़ीं हीं। बे सचा मनऊँ मसी को हेलो कोनी पाड़ै पण खुदकी गरज काडबा ताँई मसी को परचार कर मेरी केद की टेम मई बे मनै दुख देबो चावीं हीं, पण दुसरा भली मनस्याऊँ मसी को परचार करीं हीं, अ अंय्यां प्यार-परेमऊँ करै ह क्युंक अ जाणै ह क, परमेसर मनै चोखा समचारनै सबूत देर साबित करबा को काम दिओ ह।

गलातियो 6:13

जदकी सुन्नत कराईड़ा खुद तो नेम-कायदानै कोनी मानै, पण थारी सुन्नत इ ताँई कराबो चावै ह क बानै थारी काया की बजेऊँ गुमान होवै क बे थारी सुन्नत कराई ह।

गलातियो 2:14

अर म आ देखर क बे चोखा समचार की सचाई प खराईऊँ कोनी चालीं, जणा म सकै सामै केफाऊँ बोल्यो, “तू यहूदि होर बि गैर-यहूदि मिनखा की जंय्यां जीतो आर्यो ह, जणा गैर-यहूदि मिनखानै यहूदि मिनखा की जंय्यां जीबा ताँई क्यु खेवै ह?”

2 कुरन्थीयो 10:12

क्युं क म्हें बा मिनखा की जंय्यां कोनी जखा खुदकी बडाई खुदई करीं हीं। बे खुदकी एक दुसराऊँ बराबरी करीं हीं अर अंय्यां कर बे खुदई बावळा खुवावीं हीं।

भेजेड़ा चेला का काम 15:5

पण फरिसीया मऊँ बिस्वास म आया क्युंक मिनख खड़्या होर बोल्या, “गैर-यहूदि मिनखानै सुन्नत करार नेम-कायदानै मानबो चाए।”

यहून्ना 7:18

जखो बी खुदकी मरजीऊँ बोलै ह, बो खुदकी बडाई चावै ह। पण जखो आपका भेजबाळा को मान चावै ह बो सचो ह। अर बिमै बुराई कोनी।

लूका 20:47

बे खाली होईड़ी लूगाया का घरानै खाज्यावीं अर देख-दिखावा ताँई लामी-लामी अरदास करीं हीं, आकी बोळी बुरी दसा होसी।”

मत्ती 23:28

अंय्यांई थे बारनैऊँ तो धरमी दिखो हो पण थारै मांयनै बुराई भरी ह।

मत्ती 23:5

बे जोक्यु बी करै ह बे मिनखानै दिखाबा ताँई करीं हीं। हात अर माथा प बांदबाळा ताबिजानै जिमै धरमसास्तर की पोथ्या धरी जावै ह, क्युं बेत्तीई चोड़ी करवावीं। अर आपका चोळानै बेत्तीई लामो करवावीं हीं। जिऊँ मिनख बानै धरमी जाणी।

मत्ती 6:16

“जद थे बरत करो जणा ढोंग्या की जंय्यां मुंडा प उदासी मना ल्याज्यो, क्युं क बे आ दिखावै ह क बे बरत कर राख्या हीं म थानै सची खेऊँ हूँ, क बानै बाको फळ मिलगो।

मत्ती 6:2

इ ताँई जद थे दान द्‍यो जणा बिको ढींढोरो मना पिटज्यो, जंय्यां क ढोंगी मिनख अरदास करबाळी झघा अर गळी-कुचळ्या म खुदकी मिनखाऊँ बडाई कराबा ताँई करै ह। म थारूँ सची बोलुँ हूँ बानै बाको फळ पेली मिलगो।

मत्ती 6:5

“जद थे अरदास करो, जणा ढोंग्या की जंय्यां मना करज्यो। क्युं क बे अरदास करबाळी झघा म अर गुवाड़ म खड़्या होर अरदास करै ह जिऊँ लोग बानै देख सकै। म थानै सची खेऊँ हूँ क बानै इको फळ मिलगो।

मत्ती 5:10

भागहाळा ह बे जखा धारमिक्‍ता की बजेऊँ सताया जावै ह, क्युं क ईस्बर नगरी को राजपाट बाकोई ह!

मत्ती 23:27

“हे कपट्यो धिक्कार ह थार प, थे चुनाऊँ पोतेड़ी कबर की जंय्यां हो। बे बारनैऊँ तो सोवणी लागै ह पण बाकै मांयनै मुरदो सिडै़ ह।