गलातियो 6:1 - जीवन को च्यानणो (सेकावाटी नया नियम की पोथ्या)

¹ ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

गलातियो 6:1 Referans Kwoze

रोमीयो 15:1

आपा जखा बिस्वास म मजबूत हां, आपानै चाए क जखा बिस्वास म कमजोर हीं बानै सेण करां। आपा खुदनैई राजी नइ करां।

2 थिसलूनिकी 3:15

पण बिनै बेरी मना जाणज्यो, पण सागे भाई-भाण जा'णर चेताओ।

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

1 यहून्ना 5:16

अर ज कोई मिनख खुदका बिस्वासी भाईनै अंय्यां को पाप करता देखै जिको फळ जुग-जुग की मोत कोनी ह जणा बो परमेसरऊँ बिकै ताँई अरदास करै जणा परबु बिनै जुग-जुग की मोत की सजा कोनी देसी पण बाकी अरदास सुणर जुग-जुग को जीवन देसी। पण म बा मिनखा ताँई अरदास करबा ताँई कोनी खेऊँ जखा अंय्यां का पाप करै ह जिको फळ जुग-जुग की मोत ह।

2 कुरन्थीयो 2:7

इब थे बिनै ओर सजा देबो बंद करो अर बि मिनखनै माफ कर बिकी हिमत बढाओ जिऊँ अंय्यां नइ होवै क बो दुख मई पड़्यो रेह्‍वै।

इबरानीआ 12:13

अर खुदका पगा ताँई थे सिदो गेलो बणाओ जिऊँ क जखा मिनख लंगड़ा हीं बे आखड़ै नइ पण निरोगा होज्यावीं।

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

रोमीयो 14:1

जखा बिस्वास म कमजोर हीं बानै बी सागै राखो, पण बाका मतापै बहस मना करो।

1 कुरन्थीयो 10:12

इ ताँई जखो अंय्यां सोचै क, “म बिस्वास म मजबूत हूँ,” बो ध्यानऊँ रेह्‍वै क कदै अंय्यां नइ होज्या क बो बिस्वासऊँ गुड़ जावै।

1 कुरन्थीयो 4:21

थे काँई चाओ हो के म सोटकी लेर थारै कनै आऊँ नहिस परेम क सागै दया की आत्माऊँ भर'र थारै कनै आऊँ।

याकूब 3:2

क्युं क आपणाऊँ बोळीबर चूक होवै ह। पण जखो बचन म चूक कोनी करै बो सिद मिनख ह अर बो आपकी सगळी काया प लगाम लगा सकै ह।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

मत्ती 9:13

इ ताँई थे जाओ अर सास्तर म मांडेड़ा इ बचन को मतबल काँई ह बिनै समजो, ‘म बलिदान कोनी चाऊँ पण दया चाऊँ हूँ। म धरम्या ताँई कोनी आयो पण पाप्यानै बुलाबा आयो हूँ।’”

1 कुरन्थीयो 14:37

ज कोई खुदनै परमेसर की खेबाळो समजै ह अर बिकन आत्मिक बरदान बी होवै जणा बिनै आ जाण लेणो चाए क म थानै जोक्यु बी मांड्यो ह ओ परबु को हुकम ह।

1 कुरन्थीयो 7:5

थे मोट्यार लूगाई एक दुसरा की इंछ्या मना मारज्यो। पण आपसरी म बतळार क्युंक देर ताँई इनै टाळ सको हो जिऊँ थारै अरदास करबा म दिकत नइ होवै, अर इकै पाछै थे ओज्यु एक सागै रह्यो; क्युं क कदै अंय्यां नइ हो क खुदनै बस म राखबा की कमी को फाईदो उठार सेतान थानै बिचासै।

1 कुरन्थीयो 2:15

अर जखो आत्मिक मिनख ह बो सगळी बातानै परखै ह, पण बिनै कोईबी कोनी परख सकै।

रोमीयो 8:6

काया की बाता प मन लगाबो तो मरबो ह, पण पबितर आत्मा प मन लगाबो जीवन अर स्यांती ह।

मत्ती 11:29

थे मेरी हाळीनै लेल्यो अर बिनै लादल्यो अर थे मेरूँ सीखो क्युं क म सिदो-सादो अर मेरो हियो दयाऊँ भरेड़ो ह। जिऊँ थानै बी अराम मिलसी

याकूब 3:13

थार म स्याणो अर समजदार कूण ह? अर ज कोई अंय्यां को ह जणा बो आनै आपका चोखा जीवनऊँ, नरमाई अर बुदीऊँ भर्या कामाऊँ दिखावै।

इबरानीआ 13:3

केदिआनै अंय्यां याद राखो जंय्यां थे बी बिकै सागै केद म रिह्या हो। अर जाकै सागै बुरो बरताव कर्यो गयो ह बाकी आ जाणर सुदी ल्यो क जंय्यां थे खुद पिड़ा म हो।

गलातियो 5:23

नरमाई अर खुदनै बस म राखबो, अंय्यां का कामा क खिलाप म कोई नियम कोनी ह।

1 कुरन्थीयो 3:1

मेरा लाडला बिस्वास्यो, म थारै सागै बंय्यां बात कोनी कर्यो जंय्यां आत्मिक मिनखा क सागै करूं हूँ। पण मनै थारै सागै अंय्यां बात करनी पड़ी जंय्यां दुनिया का मिनखा क अर मसी म नया बिस्वास्या क सागै करी जावै ह।

मत्ती 26:75

जणा पतरसनै ईसु की खेईड़ी बा बात याद आई क, “मुरगा क बांग देबाऊँ पेल्या तू तीन बार मेर ताँई खेसी म इनै कोनी जाणू।” अर बो बारनै चलेगो अर पछाड़ा घा'लर रोबा लाग्यो।

मत्ती 26:69

हाल पतरस बारला आँगणा म बेठ्यो हो, जणा एक दासी बिकन आर बोली, “तू बी तो बि गलिली ईसु क सागै हो।”

गलातियो 6:18

ओ मेरा लाडला बिस्वास्यो, आपणा परबु ईसु मसी की दया थारै सगळा की आत्मा प होती रेह्‍वै। अंय्यांई होवै।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

2 कुरन्थीयो 2:8

इ ताँई म थानै बोलुँ हूँ क थे बिऊँ सचो परेम करो।