गलातियो 5:10 - जीवन को च्यानणो (सेकावाटी नया नियम की पोथ्या)

¹⁰ म परबु म थारै उपर पूरो भरोसो करूं हूँ, क थे दुसरा मतनै कोनी मानो पण जखा थानै भंगरावै ह चाए बे कोईबी क्यु नइ हो बे सजा पासी।

गलातियो 5:10 Referans Kwoze

गलातियो 5:12

चोखो तो ओ होतो क थानै भंगराबाळा सुन्नत के करा हा काटई लेता।

फलिपी 3:15

आपा सगळानै जखा आत्मा म पक्का हां अंय्यां कोई एकसो बिचार राखबो चाए पण ज थारै मऊँ क्युंक न्यारा बिचार राखै ह जणा बिनै परमेसर थार प परगट कर देसी।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

2 कुरन्थीयो 2:3

जणाई तो म थानै गेलड़ी चिठी म मांड्यो हो क जद म थारै कनै आऊँ जणा थारूँ जखा मनै सुक देवै ह बाऊँ दुखी नइ होऊँ। क्युं क मनै थारै उपर भरोसो ह क मेरी खुसी मई थारी खुसी ह।

1 तिमूतियूस 1:20

हमनियस अर सिकन्दर बामैऊँई हीं, जानै म सेतान क हाता म सूप दिओ, जिऊँ बानै परमेसर की बुराई नइ करबा को पाठ सीखायो जा सकै।

गलातियो 6:17

इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।

गलातियो 4:17

बिधी-बिधान प चलाबाळा मिनख थार म मो तो राखै ह पण बाकी नीत सई कोनी। बे थानै मेरूँ न्यारो करबो चावीं हीं, जिऊँ थे बी बामै मो घालल्यो।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

गलातियो 2:6

अर जखा मिनख मान्या-थान्या हा, चाए बे कंय्यांका बी हो, मनै कोई फरक कोनी पड़ै, परमेसर कोईको भेद-भाव कोनी करै बानै मेरा सुणाईड़ा चोखा समचार म क्युंई कमी कोनी लाधी।

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

2 कुरन्थीयो 10:6

अर जद थे सगळी बाता म मसी का गेला प चालस्यो जणा आपा बा मिनखानै जखा बिका गेला प कोनी चालै सजा देस्यां।

1 कुरन्थीयो 5:5

जणा बि बुराई करबाळा मिनख की कायानै नास करबा ताँई सेतान क हात सूप दिओ जासी जिऊँ परबु क ओज्यु आबा का दिन बिकी आत्मा को छुटकारो हो सकै।

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो

फिलेमोन 1:21

तेर प मनै भरोसो ह जणाई म तनै मांडूँ हूँ, क्युं क म जाणू हूँ क, तू जखो म तेरूँ चाऊँ हूँ बिऊँ बढर करसी।

2 थिसलूनिकी 3:4

परबु म म्हानै थार प पक्को बिस्वास ह क म्हें थानै जंय्यां करबा ताँई आदेस दिन्यो हो थे बंय्यांई करर्या हो अर करता रेहस्यो।

गलातियो 4:20

मेरी तो आ इंछ्या होरी क इब थारै कनै आर ओरई ढंगऊँ बोलुँ, क्युं क थारै बारां म, म कोनी समज पार्यो क काँई कर्यो जावै!

गलातियो 4:11

म तो थारै बारां म आ सोचर डरूँ हूँ क, कदै अंय्यां नइ हो क जखी मेनत म थार ताँई करी ही बिपै पाणी फिरज्यावै।

2 कुरन्थीयो 13:10

इ ताँई थारूँ दूर होतासोता बी, म आ बातानै थारै ताँई मांडर्यो हूँ। जिऊँ क जद म थारै कनै आऊँ, जणा मनै परबु का दियड़ा हकनै कल्डाई दिखाबा ताँई काम म नइ लेणो पड़ै। ओ हक थानै बणाबा ताँई ह, थानै गेरबा ताँई कोनी।

2 कुरन्थीयो 10:2

म सोचूँ हूँ क जद म थारै कनै आऊँ जणा बा मिनखा क सागै सकताई बरतबा की जुर्त कोनी जखा सोचीं हीं क म्हें दुनियादारी को जीवन जीवां हां।

2 कुरन्थीयो 8:22

अर बाकै सागै म्हें म्हारा बि बिस्वासी भाईड़ानै भेजर्या हां, जिनै म्हें बोळी बार भलाई करबा ताँई त्यार देख्या हां अर इब बिनै थार प बी बोळो बिस्वास ह, जिऊँ बिमै थारै आडो आबा की इंछ्या बोळी बेत्ती ह।

2 कुरन्थीयो 7:16

अर म राजी हूँ क सगळी बाता म, म थार प बिस्वास कर सकूँ हूँ।

2 कुरन्थीयो 5:16

इ ताँई आपा इब आगैऊँ कोईबी मिनख क सागै इ दुनिया को न्याय कोनी करां। एक टेम आपा मसी क सागै इ दुनिया गेल न्याय कर्यो हो। पण इब अंय्यां कोनी।

2 कुरन्थीयो 2:6

अंय्यां करबाळा मिनखनै बिस्वासी मंडळी का घणकराक मिनख ओळमो दे दिआ हीं आ सजा बि ताँई बोळी ह।

2 कुरन्थीयो 1:15

अर इ भरोसा की बजेऊँई म थारै कनै दो बर आबा की मन म करी जिऊँ थानै दो बर आसिरबाद पाबा को मोको मिल सकै।

गलातियो 5:7

थे तो बोळी चोखी तर्याऊँ मसी को जीवन जिर्या हो। जणा इब थार म कूणसी बात ह जखी थानै सचाई प चालबाऊँ रोकै ह?