गलातियो 4:6 - जीवन को च्यानणो (सेकावाटी नया नियम की पोथ्या)

⁶ जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

गलातियो 4:6 Referans Kwoze

रोमीयो 5:5

अर आ आस आपणो निरादर कोनी होबा दे, क्युं क पबितर आत्मा क जरिए जखी आपानै दि गई ह परमेसर को परेम आपणा हिया म उंदकायो गयो ह।

रोमीयो 8:9

ज थारै म परमेसर को पबितर आत्मा बास करै ह जणा थे काया का सुभाव गेल कोनी जीओ पण पबितर आत्मा गेल जीओ हो। क्युं क जिमै मसी को पबितर आत्मा बास कोनी करै बो मसी को कोनी।

फलिपी 1:19

क्युं क म, इ बातनै आछ्यां जाणू हूँ क, थारी अरदास अर ईसु मसी की पबितर आत्मा कानिऊँ मिलेड़ा साराऊँ म केदऊँ छुट जास्युं।

इफिसुस 2:18

मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।

2 कुरन्थीयो 3:17

परबु अर पबितर आत्मा एकई ह अर जठै परबु की पबितर आत्मा ह बठै छुटकारो ह।

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

यहूदा 1:20

पण लाडलो, थे बिस्वास की पबितर निम प मजबूत होता जाओ अर पबितर आत्मा की मददऊँ अरदास करो।

यहून्ना 16:7

पण म थारूँ सची बोलर्यो हूँ ओ थारै ताँई चोखो ह, क म जाऊँ हूँ, क्युं क ज म नइ जाऊँ जणा बो मददगार कोनी आ सकै, जि मददगारनै म जार भेजस्युं।

यहून्ना 14:16

म थारै ताँई परम-पिताऊँ एक मददगार की माँग करस्युं, जखो सदाई थारै सागै रेह्सी।

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

2 कुरन्थीयो 1:22

बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

यहून्ना 15:26

“जद बो मददगार आसी जखी पबितर आत्मा ह, परम-पिता को सच परगट करसी, अर बा बिकी भेजेड़ीई आसी। बि पबितर आत्मानै म भेजस्युं अर बा मेरै बारां मई बोलसी।

लूका 11:2

बो बाऊँ बोल्यो, “जद थे अरदास करो जणा अंय्यां बोलज्यो: परम-पिता, थारो पबितर नाम उचो मान्यो जाय, थारो राज आवै।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

1 कुरन्थीयो 15:45

क्युं क पबितर सास्तर म मंडर्यो ह क “पेलो मिनख आदम जिनै एक जिंदा पराणी क रूप रच्यो गयो” पण आखरी मिनख मसी जीवन देबाळी आत्मा ह।

भेजेड़ा चेला का काम 16:7

बे मूसिया क कनै पुगर बितूनिया जाबो चावा हा पण ईसु की पबितर आत्मा बानै बठै बी जाबा कोनी दि।

यहून्ना 7:39

ईसु आ बात पबितर आत्मा क बारां म कही, जखी बिपै बिस्वास करबाळानै मिलबाळी ही। इ टेम ताँई पबितर आत्मा कोईनैई कोनी मिली ही, क्युं क ईसु हाल ताँई आपकी मेमा म कोनी उठायो गयो हो।

मरकुस 14:36

अर बो बोलबा लाग्यो, “अब्बा ओ परम-पिता थारै ताँई क्युंई ओखो कोनी। इ दुख का कचोळानै मेरूँ नाकै कर दे, पण जंय्यां म चाऊँ बंय्यां नइ हो पण जंय्यां तू चावै बंय्यांई होवै।”

1 थिसलूनिकी 4:8

इ ताँई जखो मिनख इ सीखनै माड़ी जाणै, जणा बो कोई मिनखनै माड़ो कोनी जाणै पण पबितर आत्मा देबाळा परमेसरनै माड़ो जाणै ह।