गलातियो 4:4 - जीवन को च्यानणो (सेकावाटी नया नियम की पोथ्या)

⁴ पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

गलातियो 4:4 Referans Kwoze

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

मरकुस 1:15

बो खयो, “परमेसर को राज सांकड़ै आबा को ठिक टेम आगो ह। जिमै परमेसर राज करसी। इ ताँई थे पापऊँ तौबा करो अर परमेसर का चोखा समचार प बिस्वास करो।”

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

लूका 2:7

अर बिकै पेलीपोत को छोरो होयो जिनै बा गाबा म लपेटर ल्हास म सुवायो क्युं क बानै रेह्बा की झघा कोनी मिली।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

लूका 1:35

ईस्बर नगरी दुत खयो, “पबितर आत्मा तेरै प उतरसी अर परम-परधान की सक्‍ति तनै आपकी ओट म ले लेसी, इ बजेऊँ बो पबितर टाबर परमेसर को बेटो खुवासी,

यहून्ना 6:38

क्युं क म मेरी इंछ्या नइ पण मनै भेजबाळा की इंछ्यानै पूरी करबा ताँई ईस्बर नगरीऊँ धरती प उतर्यो हूँ।

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

यहून्ना 10:36

जद म अंय्यां खयो क म परमेसर को बेटो हूँ, जणा थे क्युं खया म परमेसर की बुराई करूं हूँ। मनै टाळर इ जगत म भेजबाळो परम-पिताई तो ह।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

रोमीयो 15:8

म थानै बताऊँ हूँ क बडकाऊँ करेड़ा परमेसर का करार का सचनै, सचो साबित करबा ताँई मसी परमेसर की सचाई गेल यहूदि मिनखा को दास बण्यो।

भेजेड़ा चेला का काम 1:7

जणा बो बोल्यो, “बि दिन अर बि घड़ीनै जाणबा को काम थारो कोनी, क्युं क बा परम-पिता का हक तळै ह।

लूका 1:31

सुण तू आसऊँ होसी अर एक छोरो जणसी अर तू बिनै ईसु खेर बुलासी।

मत्ती 3:15

ईसु बिनै अंय्यां ओडायो, “इब तो अंय्यांई होबा दे, क्युं क जखी परमेसर चावै ह बोई आपानै करनो ह।” जणा बो बिकी बात मान लिनी।

1 यहून्ना 4:2

थे परमेसर की पबितर आत्मानै अंय्यां जाण सको हो: जिकी बी आत्मा आ खेवै ह क, “ईसु मसी, मिनख काया म इ धरती प आयो।” बिकी आत्मा परमेसर क कानिऊँ ह।

इबरानीआ 9:10

क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

कलुसीयो 2:14

अर बि आदेसनै जखो आपणै नाम अर खिलापत म हो बिनै भुजाण दिओ अर ईसुनै सुळी प किलाऊँ जड़र आपणै सामैऊँ बि लेखनै हटा दिओ,

रोमीयो 9:5

बडका बाऊँई नातो राखी हीं, अर मिनख क जाया क रूप म मसी बामैऊँई जलम्यो जखो सगळा को परमेसर ह अर सदाई धने ह! आमीन।

यहून्ना 8:42

ईसु बाऊँ बोल्यो, “ज सचमई परमेसर थारो परम-पिता होतो, जणा थे मेरूँ प्यार-परेम करता क्युं क म परमेसर क कनैऊँ आयो हूँ। म अठै मेरी मरजीऊँ कोनी आयो, पण बो मनै भेज्यो ह।

मत्ती 5:17

“थे ओ मना सोचो क म नेम-कायदा नहिस परमेसर की खेबाळा की मांडेड़ी पोथ्यानै नास करबा आयो हूँ। म बानै नास करबा कोनी आयो पण बानै पूरो करबा आयो हूँ।

रोमीयो 5:6

क्युं क जद आपा माड़ी दसा म हा ठिक बि टेमई मसी अधरम्या ताँई मर्यो।

1 तिमूतियूस 2:6

जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।

लूका 20:44

“दाऊद खुद बिनै परबु बोलै, जणा बो बिकी ओलाद कंय्यां हो सकै ह?”