गलातियो 4:3 - जीवन को च्यानणो (सेकावाटी नया नियम की पोथ्या)

³ अर अंय्यां आपणै सागै बि हो। आपा जद टाबरा हा, जणा आपा जगत की आत्मिक सक्‍तिया का गुलाम हा।

गलातियो 4:3 Referans Kwoze

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?

कलुसीयो 2:8

सचमई मसी ईसु जखो मिनख बणर आयो बिमै परमेसर को सगळो सुभाव भरपूरी क सागै बास करै ह। इ ताँई थे बेमतबल की जिरै-बाजीऊँ समळर रेह्ओ कदै कोई थानै आको गुलाम नइ बणाले क्युं क अ मसी कानिऊँ नइ पण मिनखा का रिती-रिवाजा अर जगत प राज करबाळी आत्मा कानिऊँ आवै ह।

गलातियो 4:9

पण इब थे परमेसरनै पिछाण लिआ हो अर परमेसर थानै पिछाणै ह। जणा इब थे जगत की बाता कानि जामै दमहाळी बात कोनी अर जखी बेफालतू की ह, ओज्यु बाका गुलाम क्यु होबा जार्या हो?

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

गलातियो 4:31

इ ताँई ओ मेरा बिस्वासी भाईड़ो, आपा दासी का कोनी पण परनायड़ी लूगाई का टाबर हां जखी दासी कोनी ही।

भेजेड़ा चेला का काम 15:10

जणा पाछै इब थे क्याले परमेसरनै बिचासर बिस्वास्या की गरदना प हाळी धरर्या हो, जिनै नइ तो म्हारा बाप-दादा उठा सक्या अर नइ म्हें उठा सकां।

रोमीयो 8:15

क्युं क जखी आत्मा थानै दि गई ह, बा थानै ओज्यु दास बणाबा नहिस डराबा ताँई कोनी पण आपानै बिकी ओलाद बणाबा ताँई ह जिऊँ आपा “अब्बा, परम-पिता” खेर बुलावां हां।

यहून्ना 8:31

जणा ईसु बाऊँ बोल्यो जखा बिपै बिस्वास कर्या हा, “ज थे मेरी सीख प चालो हो जणा सचमई थे मेरा चेला हो।

इबरानीआ 7:16

जखो मिनखा का आदेसा क आधार प नइ पण जीवन देबाळी सक्‍ति क आधार प बण्यो जखी कदैई नास कोनी होवै।

गलातियो 4:25

हाजिरा मानो अरब देस को सीनै डूँगर ह, अर यरूसलेम की जंय्यां ह क्युं क बो आपका टाबर-टिकरा सेत्युं गुलामी म ह।

गलातियो 3:19

जणा नेम-कायदा की कठै जुर्त री? आ तो पाछै दि गई जिऊँ आपानै बेरो चालै क आपा पाप करां हां, बि एक वंसज क आबा ताँई जिकै बारां म करार कर्यो गयो हो। अर नेम-कायदा तो ईस्बर नगरी दुता की बजेऊँ मूसानै दिआ गया हा, अर बो मिनखानै दिओ। अर मूसा अंय्यां एक बिचोलिओ होयो।

मत्ती 11:28

ईसु बाऊँ बोल्यो, “हे आखता होयड़ो अर बोजऊँ दबेड़ा मिनखो मेरै कनै आओ म थानै अराम देस्युँ।

रोमीयो 7:14

क्युं क आपा जाणा हां क नेम-कायदा आत्मिक ह पण म हाड-मास को मिनख हूँ जखो पाप की गुलामी ताँई बिकेड़ो हूँ।

2 कुरन्थीयो 11:20

मनै बिस्वास कोनी होर्यो, जद थानै कोई दास बणाले, थारो बुरो चावै, ज कोई थानै धोको दे, अर खुदनै थारूँ बडो बणावै अर कोई थारै मुंडा प थपड़ मारै जणा थे बिनै राजी-राजी सेल्यो हो।

गलातियो 4:2

बो आपका बाप का ते करेड़ा टेम ताँई घरका क अर भंडारी की निगरानी म रेह्‍वै ह।

गलातियो 4:8

पेल्या थे परमेसरनै कोनी जाणता हा, थे बाका दास हा जखा सच म परमेसर कोनी हा।

गलातियो 4:24

आ बाता का होबा क पिछै निती-कथा ह, अ दोन्यु लूगाया दो करारानै दिखावै ह, एक तो सीनै डूँगर की जिऊँ दासई जलमै ह अर बा ह हाजिरा।

इबरानीआ 5:12

टेम देखता तो थानै इब ताँई सीखाबाळा होज्याणा चाए हा। पण थानै अंय्यां का मिनख की जुर्त पड़ै ह जखो थानै सरूआतऊँ ओज्यु परमेसर का बचना का सच की सीख देवै। थानै रोटी नइ पण इब ताँई बी दुद किई जुर्त पड़री ह।