गलातियो 4:19 - जीवन को च्यानणो (सेकावाटी नया नियम की पोथ्या)

¹⁹ ओ मेरा टाबरो, जद ताँई थार म मसी को सुभाव नइ आज्यावै, जद ताँई म जच्चा की सी पिड़ा भोगर्यो हूँ।

गलातियो 4:19 Referans Kwoze

रोमीयो 8:29

जिनै बो पेल्या टाळ्यो बानै बो बिका बेटा स्यारका बणाबा ताँई ते कर्यो। जिऊँ बोळा भायां म बो पेलीपोत को बणै।

इफिसुस 4:13

जद ताँई आपा सगळा बिस्वास अर परमेसर का बेटा की जाण-पिछाण म एक नइ होज्यावां, अर पक्का मिनख बणर मसी का रूप म पूरा नइ बढ ज्यावां।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

इफिसुस 4:24

अर नएड़ा सुभावनै पेरल्यो जखो सची धारमिक्‍ता अर पबितरता म परमेसर की जंय्यां ओज्यु नयो करेड़ो ह।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

कलुसीयो 3:10

अर नएड़ा सुभावनै ध्यार लिओ ह। अर थे परमेसर का गुण अर बिका सगळा ज्ञान म दिन-दिन बढता जाओ।

फलिपी 2:5

जंय्यां को सुभाव मसी ईसु को हो, बंय्यांकोई थारो सुभाव होणो चाए:

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

फिलेमोन 1:10

म चाऊँ हूँ क तू मसी म मेरा बेटा उनेसिमुस की मदद करै। क्युं क ओ जेळ म मेरै जरिए मसी म आयो।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

कलुसीयो 2:1

म चाऊँ क थे इ बातनै जाणो क, म थारै ताँई, लोदिकीया नगरी म रेह्बाळा अर बा सगळा ताँई जाऊँ मेरो आमनो-सामनो कोनी होयो, कत्ती चिंत्या राखूँ हूँ।

फलिपी 2:17

थारो बिस्वास परमेसर क सामै बलि अर याजक की सेवा जंय्यां को ह अर इ बलि प ज मेरो लोय बी चढाणो पड़ै जणा म इ बात ताँई राजी हूँ अर आ खुसी म था सगळा क सागै बाटर्यो हूँ।

फलिपी 1:8

म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।

1 यहून्ना 5:21

मेरा भाईड़ो, थे खुदनै मूरती धोकबाऊँ बचार राखज्यो।

1 यहून्ना 2:12

ओ मेरा टाबरो, म थानै मांडू हूँ, क्युं क ईसु मसी की बजेऊँ थारा पाप धोया गया हीं।

1 यहून्ना 2:1

ओ मेरा टाबरो, म थानै अ बाता इ ताँई मांडूँ हूँ क, थे पाप नइ करो। पण ज कोई मिनख पाप करै ह बिका पाप धोबा ताँई धरमी ईसु मसी आपणै अर परम-पिता क बिचमै बकिल ह जखो आपणानै परमेसर क सामै सई बणावै ह।

इबरानीआ 5:7

ईसु जद काया म इ धरती प हो बा दिना म बो जोर-जोरऊँ अर रो-रोर बिऊँ अरज अर अरदास करतो रिह्यो जखो बिनै मोतऊँ बचा सको हो। अर बिकी भगती की बजेऊँई बिकी सुणी गई।

तितूस 1:4

तितूस, आपणा एकसा बिस्वास की बजेऊँ, तू सचमई मेरो बेटो ह। परम-पिता परमेसर अर आपानै बचाबाळो मसी ईसु तेरै प दया अर स्यांती राखै।

फिलेमोन 1:19

म पोलुस मेरै हातऊँ मांडर्यो हूँ क, म तेरो सक्यु चुका देस्युँ। अर आ बात मनै बताबा की जुर्त कोनी क तेरो जीवन मेरो करजदार ह।

1 तिमूतियूस 1:2

म आ चिठी तिमूतियूसनै मांडूँ हूँ, जखो बिस्वास म मेरो सचो बेटो ह। तिमूतियूस, तेर प परम-पिता परमेसर अर आपणा परबु मसी ईसु को आसिरबाद, दया अर स्यांती होती रेह्‍वै।

लूका 22:44

अर बो बोळो दुखी होर ओर बी बेत्ती लगन क सागै अरदास करबा लाग्यो। अर बिको पसिनो लोय का टपका की जंय्यां धरती प गिरै हो।

2 कुरन्थीयो 12:14

इब म तीसरकै थारै कनै आबा ताँई त्यार हूँ। पण म थारूँ कोई माँग कोनी करूं। क्युं क मनै थारी धन-दोलत को लालच कोनी, पण थारो लालच ह। अर नइ टाबरानै आपका माँ-बाप ताँई पिसो जोड़बा की जुर्त होवै ह। पण माँ-बाप टाबरा ताँई पिसो जोड़ै ह।

1 थिसलूनिकी 2:7

पण जंय्यां माँ आपका टाबरा की खेचळ करै ह बंय्यांकोई नरमाई को भेवार म्हें थारै सागै राख्यो। नहिस म्हें मसी का भेजेड़ा चेला होबा क चलतै थार प रोब जमार बोज गेर सकां।

3 यहून्ना 1:4

मनै इऊँ बेत्ती राजी कोई बात कोनी करै क मेरा टाबर सचाई प चालै ह।