गलातियो 4:14 - जीवन को च्यानणो (सेकावाटी नया नियम की पोथ्या)

¹⁴ अर मेरी आ बिमारी थारी बिचासबा की घड़ी होई, जणा बी थे मनै छोटो कोनी जाण्या अर नइ मेरूँ नफरत करी, पण परमेसर का ईस्बर नगरी दुत अर मसी ईसु की जंय्यां जा'णर मेरी आवभगत करी।

गलातियो 4:14 Referans Kwoze

मत्ती 10:40

“जखो बी थारो मान करै ह, बो मेरो बी मान करै ह; अर जखो मेरो मान करै ह बो मनै अधिकार क सागै भेजबाळा परमेसर को बी मान करै ह।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

इबरानीआ 13:2

अर अणजाण की आवभगत करबो मना भूलज्यो, क्युं क अंय्यां करर कई मिनख अणभोळ म ईस्बर नगरी दुता की आवभगत करीं ह।

2 कुरन्थीयो 5:20

म्हें मसी ताँई ओ काम करां हां। अर थे आ मानो की परमेसर म्हारै जरिए थानै चेतावै ह। इ ताँई म्हें मसी क कानिऊँ थारूँ हात जो'ड़र खेवां हां क थे परमेसरऊँ मेळमिलाप करल्यो।

1 थिसलूनिकी 4:8

इ ताँई जखो मिनख इ सीखनै माड़ी जाणै, जणा बो कोई मिनखनै माड़ो कोनी जाणै पण पबितर आत्मा देबाळा परमेसरनै माड़ो जाणै ह।

गलातियो 4:13

थानै याद होगो क, जद म पेलीपोत मेरी बिमारी की दसा म थानैई चोखो समचार सुणायो।

1 कुरन्थीयो 4:10

हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।

1 कुरन्थीयो 1:28

अर इ दुनिया की सोचनै मिटाबा ताँई परमेसर इ दुनिया म छोटा अर निचा देख्या जाबाळानै जानै क्युंई कोनी समज्यो जावै टाळ्यो।

यहून्ना 13:20

म थारूँ सची बोलुँ हूँ, जखो बी बानै मानै जखानै म भेजूँ हूँ बो मनै बी मानै ह अर जखो बी मनै मानै, बो मनै भेजबाळानै बी मानै ह।”

लूका 10:16

ईसु आपका चेलाऊँ बोल्यो, “जखो थारी सुणै, बो मेरी बी सुणै। अर जखो थानै कोनी बद्दै, बो मनै बी कोनी बद्दै, अर जखो मनै कोनी बद्दै, बो मनै भेजबाळानै बी कोनी बद्दै।”

मत्ती 25:40

जणा बो राजा खेसी, ‘म थारूँ सची बोलर्यो हूँ, जोक्यु बी थे थारा भोळा-ढाळा भाई-भाणा ताँई कर्या हो बो थे मेर ताँई कर्या हो।’

मत्ती 18:5

अर जखो इ टाबर की जंय्यां का टाबरानै मेरी बजेऊँ अपणावै ह बो परमेसर की नजर्या म मनै अपणावै ह।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

गलातियो 4:15

जणा फेर थारी बा धने भावना इब कठै गई? म इ बात को थारो गुवा हूँ, जि टेम का ज मोको पड़तो तो थे थारी आँख्या का'डर मनै दे देता।