गलातियो 4:11 - जीवन को च्यानणो (सेकावाटी नया नियम की पोथ्या)

¹¹ म तो थारै बारां म आ सोचर डरूँ हूँ क, कदै अंय्यां नइ हो क जखी मेनत म थार ताँई करी ही बिपै पाणी फिरज्यावै।

गलातियो 4:11 Referans Kwoze

1 थिसलूनिकी 3:5

इ ताँई जद मेरूँ ओर कोनी रिह्यो गयो जणा म थारा बिस्वास का हालचाल लेबा ताँई तिमूतियूसनै भेज्यो। परमेसर करै अंय्यां नइ होवै क बिचास्बाळो सेतान थानै बिचास्यो होवै अर म्हारी करी कराई मेनत अळी गई हो।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

2 यहून्ना 1:8

इ ताँई थे खुद समळर रेहज्यो जिऊँ थे बिनै जिकै ताँई म्हें बोळी मेनत कर्या हा गुमा नइ द्‍यो पण पूरो-पूरो इनाम पाओ।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

गलातियो 4:20

मेरी तो आ इंछ्या होरी क इब थारै कनै आर ओरई ढंगऊँ बोलुँ, क्युं क थारै बारां म, म कोनी समज पार्यो क काँई कर्यो जावै!

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

गलातियो 4:10

थे खास दिनानै, म्हेनानै, रूतानै अर बरसानै मानो हो!

गलातियो 4:12

ओ मेरा लाडला बिस्वास्यो, म थारूँ अरदास करूं हूँ क थे मेरै जंय्यां बणो, क्युं क म बी थारी जंय्यां बण्यो हो। थे मेरो क्युंई बुरो कोनी कर्या।