गलातियो 3:16 - जीवन को च्यानणो (सेकावाटी नया नियम की पोथ्या)

¹⁶ अंय्यांई परमेसर अब्राहमऊँ अर बिका वंसऊँ करार कर्यो, परमेसर अंय्यां कोनी बोल्यो क, “म तेरा वंसजाऊँ करार करूं हूँ” वंसजा को मतबल तो बोळा होवै पण बो “वंस” बोल्यो अर आ बात एक मिनखनै दिखावै अर बो मसी ह।

गलातियो 3:16 Referans Kwoze

रोमीयो 4:13

अब्राहम अर बिकी ओलादानै ओ करार क बे जगत का वारिस होसी, नेम-कायदाऊँ कोनी मिल्या पण बि धारमिक्‍ताऊँ मिल्या जखी बिस्वास की बजेऊँ आई ही।

रोमीयो 4:16

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

गलातियो 3:8

नेम-कायदा म पेल्याऊँई बतायो गयो हो क, गैर-यहूदि मिनख बिस्वासऊँ धरमी होसी। जणाई तो परमेसर कानिऊँ अब्राहमनै ओ समचार सुणायो गयो क, “तेरै जरिए धरती का सगळा कूणबानै आसिरबाद मिलसी।”

भेजेड़ा चेला का काम 3:25

अर थेई बा करार का वारिस हो जानै परमेसर आपका खेबाळा क जरिए कर्यो हो। ओ करार थारै ताँई ह जिनै परमेसर थारा बडकाऊँ कर्यो हो जंय्यां बो अब्राहमऊँ करार कर्यो हो क तेरी ओलादऊँ सगळी धरतीनै आसिरबाद मिलसी।

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

1 कुरन्थीयो 12:27

अंय्यांई थे सगळा मिलर मसी की काया हो, अर हरेक बिकी काया का अंग हो।

1 कुरन्थीयो 12:12

जंय्यां काया म भात-भात का अंग होर बी बे मिलर एक काया बणै बंय्यांई मसी बी ह।

रोमीयो 12:5

बंय्यांई आपा बोळा हां पण मसी क सागै एक होबा की बजेऊँ एक काया हां। इ ताँई आपणा मऊँ हरेक, एक दुसराऊँ जुड़ेड़ो ह।

कलुसीयो 2:19

अर अंय्यांलको मिनख मसी म कोनी बण्यो रेह। मसी बिस्वासी मंडळी को सीर ह। मसी का बसऊँई सगळी काया रूपी बिस्वासी मंडळी पळै अर जोड़ अर नसाऊँ मिलर जंय्यां परमेसर चावै ह बंय्यांई बढती जावै।

इफिसुस 5:32

ओ तो बोळो उंडो भेद ह, जिनै म अठै मसी अर बिस्वास्या की बिस्वासी मंडळी क बारां म बताऊँ हूँ।

मत्ती 1:1

अब्राहम का बेटा, दाऊद का बेटा ईसु मसी ताँई की पिडी अंय्यां ह:

रोमीयो 9:4

जखा इजरायल का हीं अर जानै परमेसर की ओलाद होबा को अधिकार ह। जखा परमेसर की मेमा को दरसण कर लिआ हीं। जखा परमेसर का करारा का भागी हीं। जानै नेम-कायदो, सची भगती अर बचन दियड़ा हीं।

2 कुरन्थीयो 11:22

बे इबरानी हीं, जणा म बी तो इबरानी हूँ। बे इजरायल का हीं, जणा म बी तो इजरायल को हूँ। बाकी जड़ अब्राहम ह, जणा मेरी जड़ बी तो अब्राहमई ह।

गलातियो 3:19

जणा नेम-कायदा की कठै जुर्त री? आ तो पाछै दि गई जिऊँ आपानै बेरो चालै क आपा पाप करां हां, बि एक वंसज क आबा ताँई जिकै बारां म करार कर्यो गयो हो। अर नेम-कायदा तो ईस्बर नगरी दुता की बजेऊँ मूसानै दिआ गया हा, अर बो मिनखानै दिओ। अर मूसा अंय्यां एक बिचोलिओ होयो।