गलातियो 3:14 - जीवन को च्यानणो (सेकावाटी नया नियम की पोथ्या)

¹⁴ मसी ईसु आपानै इ ताँई छुटायो ह क अब्राहमनै दियड़ो आसिरबाद गैर-यहूदि मिनखानै मिल सकै, जिऊँ आपानै बिस्वास करबा की बजेऊँ पबितर आत्मा मिल सकै जिको करार करेड़ो ह।

गलातियो 3:14 Referans Kwoze

1 कुरन्थीयो 12:13

क्युं क आपा सगळा चाए यहूदि हो चाए यूनानी, चाए दास हो, चाए अजाद सगळा एकई पबितर आत्माऊँ एक काया होबा ताँई पबितर आत्मा को बतिस्मो लिओ ह अर आपानै एकई पबितर आत्मा को दान दिओ गयो ह।

इफिसुस 2:18

मसी की बजेऊँई आपा सगळा एकई पबितर आत्माऊँ परम-पिता क सामै पुग्या हां।

गलातियो 3:2

म तो थारूँ अत्तो जाणबो चाऊँ हूँ, क थानै पबितर आत्मा को बरदान नेम-कायदानै मानबा की बजेऊँ मिल्यो नहिस जखो चोखो समचार थे सुण्या बिपै बिस्वास करबा की बजेऊँ मिल्यो हो?

भेजेड़ा चेला का काम 2:33

परमेसर ईसुनै उठार आपकै दाया हात बिठायो जखी आदर की सऊँ उची झघा ह। अर परम-पिता का करार गेल बिनै पबितर आत्मा मिली अर बि आत्मानै बो आपणै उपर पूर दिओ। जिनै थे इब देखर्या अर सुणर्या हो।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

यहून्ना 7:39

ईसु आ बात पबितर आत्मा क बारां म कही, जखी बिपै बिस्वास करबाळानै मिलबाळी ही। इ टेम ताँई पबितर आत्मा कोईनैई कोनी मिली ही, क्युं क ईसु हाल ताँई आपकी मेमा म कोनी उठायो गयो हो।

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

इफिसुस 3:16

परमेसर आपकी मेमा का धनऊँ बिकाळी पबितर आत्माऊँ थानै आ सक्‍ति देवै जिऊँ थे थारा खुदका मांयला मिनख म सक्‍ति पार तगड़ा होता जाओ।

इफिसुस 2:22

अर थेबी ईसु मसी म मनदर होबा ताँई बणाया जार्या हो जिमै परमेसर बिकी पबितर आत्मा क जरिए बास करै ह।

गलातियो 4:6

जदकी थे तो बिका बेटा हो, अर परमेसर आपका बेटा की पबितर आत्मानै जखी हे अब्बा, हे परम-पिता बोलर हेलो देवै ह, आपणा हिया म भेज्यो ह।

गलातियो 3:16

अंय्यांई परमेसर अब्राहमऊँ अर बिका वंसऊँ करार कर्यो, परमेसर अंय्यां कोनी बोल्यो क, “म तेरा वंसजाऊँ करार करूं हूँ” वंसजा को मतबल तो बोळा होवै पण बो “वंस” बोल्यो अर आ बात एक मिनखनै दिखावै अर बो मसी ह।

2 कुरन्थीयो 1:22

बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

भेजेड़ा चेला का काम 5:32

अर आ बाता का गुवा म्हें हा, बंय्यांई पबितर आत्मा बी गुवा ह जिनै परमेसर बिका मानबाळानै दि ह।”

भेजेड़ा चेला का काम 4:12

“ईसु क सिवाय आपानै पापऊँ कोईबी कोनी बचा सकै। अर इ धरती प अंय्यां को दुसरो नाम आथई कोनी जखो मिनखानै बचा सकै। क्युं क परमेसर मिनखानै बचाबा ताँई ईसुनैई भेज्यो ह, अर बोई आपानै बचा सकै ह।”

लूका 24:49

अर जिको करार मेरो परम-पिता मेरूँ कर्यो ह बा पबितर आत्मा म थारै ताँई भेजस्युं। पण थे बि दिन ताँई इ नगरी मई टिक्या रेहज्यो जद ताँई थानै पबितर आत्माऊँ सक्‍ति कोनी मिलज्या।”

लूका 11:13

ज थे बुरा होर बी थारा टाबर टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह आपका माँगबाळानै पबितर आत्मा क्युं कोनी देसी?”

1 पतरस 3:9

थे बुराई क बदलै बुराई मना करो, गाळी क बदलै गाळी मना द्‍यो पण आकै बदलै आसिरबादई द्‍यो। क्युं क थानै अंय्यां करबा ताँई बुलायो गयो ह जिऊँ थे आसिरबाद का वारिस होवो। जंय्यां सास्तर म मंडर्यो ह,