गलातियो 3:13 - जीवन को च्यानणो (सेकावाटी नया नियम की पोथ्या)

¹³ मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

गलातियो 3:13 Referans Kwoze

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

इबरानीआ 9:12

बो बकरा अर बाछ्या का लोयऊँ नइ पण खुदका लोयऊँ एकबर मई म्हापबितर झघा क मांयनै गयो। अर जुग-जुग को छुटकारो पक्को कर दिओ।

इबरानीआ 9:15

इ बजेऊँ मसी नया करार को बिचोलिओ ह जिऊँ जखा बुलाईड़ा हीं बानै बा बादो करेड़ी जुग-जुग ताँई की बापोत दि जावै। अर बा पापऊँ जखा पेलड़ा करार क तळै आता हा बाकी मर'र किमत चुकाई अर बानै अजाद कर्यो।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

मत्ती 26:28

क्युं क इ कचोळा की अँगूरी मेरा लोय को नयो करार ह। ओ लोय बोळा मिनखानै पापऊँ माफ करबा ताँई बहायो ज्यासी।

गलातियो 4:5

जिऊँ बो बा मिनखानै जखा नेम-कायदा क बस म ह बानै किमत चुकार छुटा ले, अर आपानै गोद लेयड़ा बेटा को हक मिलै।

1 यहून्ना 4:10

सचो परेम इमै कोनी क आपा परमेसरऊँ परेम करां हां पण इमै ह क परमेसर आपणाऊँ परेम कर्यो अर आपका बेटानै आपणा पाप ताँई बलिदान होबानै भेज दिओ।

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इबरानीआ 9:28

बंय्यांई मसी बी बोळा मिनखा का पापनै धोबा ताँई एकर बलिदान होयो; अर मसी बा मिनखा ताँई जखा बिनै उडिकै ह बाका पाप धोबा ताँई नइ पण बाका छुटकारा ताँई दुसरकै परगट होसी।

इबरानीआ 9:26

अर ज अंय्यां होतो जणा मसीनै इ सरस्टि की सरूआतऊँ लेर कई बार पिड़ा भोगणी पड़ती; पण इब बो इ जुग क आखरी म सगळा ताँई एकबरई परगट होगो, जिऊँ बो खुदई बलिदान होर पाप को नास कर दे।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

भेजेड़ा चेला का काम 5:30

म्हारा बाप-दादा को परमेसर थारै हाता सुळी प चढार मार्या गया ईसुनै मोतऊँ ओज्यु जीवायो।

रोमीयो 4:25

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।

इफिसुस 5:2

अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

रोमीयो 9:3

ज मेरा बस म होतो क, म मेरा यहूदि भाई-भाणा अर मेरा देस का मिनखा ताँई सराप खुद प ले लेतो, अर मसीऊँ न्यारो होज्यातो।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

मत्ती 27:5

अंय्यां सुणर यहूदा बा चाँदी का सीक्कानै मनदर क मांयनै फेकर चलेगो अर जार खुद क फासी लगाली।