गलातियो 3:12 - जीवन को च्यानणो (सेकावाटी नया नियम की पोथ्या)

¹² पण नेम-कायदो बिस्वास की निम प कोनी ह। अर “जखो बिनै मानै ह बो बिकैई सारै जीवै ह।”

गलातियो 3:12 Referans Kwoze

रोमीयो 4:14

ज नेम-कायदानै मानबाळा जगत का वारिस होता जणा बिस्वास को काँई मोल रेह्तो अर करार बी बेकार होज्यातो।

रोमीयो 4:16

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

रोमीयो 11:6

ज ओ परमेसर की दया को नतिजो ह, जणा ओ मिनखा का करमा को नतिजो कोनी ह। नहिस तो दया को काँई मतबल।

मत्ती 19:17

ईसु बिऊँ बोल्यो, “भलो कूण ह, इकै बारां म मेरूँ क्युं बुजै ह? पण भलो तो एकई ह अर ज तू अजर-अमर को जीवन चावै ह तो परमेसर का हुकमानै मान।”

रोमीयो 7:10

अर म जाणग्यो क नेम-कायदा को हुकम जखो जीवन देबा ताँई हो मेर ताँई मोत ल्यायो।