गलातियो 3:10 - जीवन को च्यानणो (सेकावाटी नया नियम की पोथ्या)

¹⁰ जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

गलातियो 3:10 Referans Kwoze

रोमीयो 8:7

काया प मन लगाबो तो परमेसरऊँ बेर बांदबो ह, क्युं क आ नइ तो परमेसर का नियमा प चालै अर नइ कदै चाल सकै।

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

गलातियो 2:16

पण आपा जाणा हां, क मिनख नेम-कायदानै मानबाऊँ नहिस करमाऊँ परमेसर क सामै धरमी कोनी बणै, पण ईसु मसी प बिस्वास करबाऊँ धरमी बणै ह। जणा आपा बी ईसु मसी प बिस्वास कर्या अर आई बजे ह क आपा परमेसर क सामै धरमी बण्या, क्युं क बिधी-बिधान का करमाऊँ कोई बी धरमी कोनी बणै।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

2 कुरन्थीयो 3:7

मोत ल्याबाळी सेवा जखी मूसा का नेम-कायदा गेल होती ही जखो भाठा की पट्या प मांड्यो गयो अर जद ओ बिधान दिओ गयो जणा परमेसर की मेमा परगट होई। बि टेम का मूसा का मुंडा की चमक होळ्या-होळ्या कम होरी ही इकै बावजुद बी बा अत्ती जोरकी ही क इजरायल का मिनख बिका मुंडा कानि कोनी देख पार्या हा।