गलातियो 2:9 - जीवन को च्यानणो (सेकावाटी नया नियम की पोथ्या)

⁹ अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

गलातियो 2:9 Referans Kwoze

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

दरसाव 3:12

जखो जीतै ह बिनै म मेरा परमेसर को पबितर तम्मू को खम्बो बणास्युं। अर बिकै पाछै बे कदैई बारनै कोनी जासी। म बिकै उपर मेरा परमेसर को नाम, नई नगरी यरूसलेम जखी परमेसर की ईस्बर नगरीऊँ उतरबाळी ह बिको नाम अर मेरो नयो नाम मांडस्युं।

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

1 यहून्ना 1:3

म्हें जोक्यु सुण्या अर देख्या बिको हेलो थारै मांयनै पाड़ां हां, जिऊँ थेबी म्हारै सागै पाँतीवाळ होवो। क्युं क म्हें बी परम-पिता अर बिका बेटा ईसु मसी क सागै पाँतीवाळ हां।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

1 तिमूतियूस 3:15

पण ज मेरै आबा म मोड़ो होवै जणा इ चिठीऊँ जाण ज्याए क, आपणा परमेसर को कूणबो जखो जीवता परमेसर की बिस्वासी मंडळी आ सचाई की निम अर खम्बो ह, बिकै सागै आपानै कंय्यां को बरताव करबो चाए।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

इफिसुस 2:20

जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह।

2 कुरन्थीयो 8:4

बे म्हारूँ हात जो'ड़र बुज्या हा क म्हें यहूदिआ म रेह्बाळा परमेसर का मिनखा की मदद करबा का सोभाग म संगी होबो चावां हां।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

रोमीयो 15:15

पण इ चिठी म, म थानै याद दिलाबा ताँई क्युंक बाता साप-साप मांड्यो हूँ, अर अंय्यां म, मनै मिलेड़ी परमेसर की दया की बजेऊँ कर्यो।

भेजेड़ा चेला का काम 15:13

अर जद बोलर बे चुप होया जणा याकूब खड़्यो होर बोल्यो, “मेरा लाडला बिस्वास्यो, मेरी सुणो।

भेजेड़ा चेला का काम 15:7

बोळी देर खिचा-ताणी होबा क पाछै पतरस बामैऊँ खड़्यो होर बोल्यो, “मेरा लाडला बिस्वास्यो, जंय्यां की थे जाणोई हो क थार मऊँ परमेसर मनै टाळ्यो क गैर-यहूदि मेरै मुंडाऊँ परमेसर का चोखा समचारनै सुणर बिपै बिस्वास करै।

भेजेड़ा चेला का काम 4:36

जणा बामै युसूफ नाम को लेवी हो जखो साईपरस को रेह्बाळो हो। जिनै भेजेड़ा चेला बरनाबास खेता हा, जिको मतबल हिमत देबाळो होवै ह।

मत्ती 16:18

म तेरूँ आबी बोलुँ हूँ तू पतरस ह जिको मतबल ढाड होवै ह। तू निम की जंय्यां होसी जिपै म मेरी बिस्वासी मंडळी बणास्युं अर इपै पताळ को जोर कोनी चालसी।

लूका 22:8

जणा बो पतरस अर यहून्नानै बोल्यो, “जार आपणा ताँई फसै की रोटी बणाओ।”

यहून्ना 1:42

जणा बो बिनै ईसु कनै ल्यायो। ईसु बिनै देखर बोल्या, “तू यहून्ना को बेटो समोन ह, तू केफा खुवासी।” केफा जिनै पतरस बी बोलै ह जिको मतबल ढाड होवै ह।

भेजेड़ा चेला का काम 12:17

जणा बो मुंडा प आँगळी धर बानै इसारो कर्यो क चुप रेह्‍वै अर बो बानै बे सगळी बाता बताई क परबु कंय्यां बिनै जेळऊँ अजाद कर्यो। अर ओ ओडार क, “याकूब अर दुसरा भाई-भाणानै बी आ बात बता दिज्यो,” बो बठैऊँ दुसरी झघा चलेगो।

2 कुरन्थीयो 11:5

पण म खुदनै बा मिनखाऊँ छोटो कोनी जाणू जखा खुदनै थारा भेजेड़ा चेला बतावीं हीं।

2 कुरन्थीयो 12:11

म बावळा की ढाळ बोल्यो, पण अंय्यां करबा ताँई थेई मनै उकसाया। जदकी म तो क्युंबी कोनी हूँ, पण थानै तो मेरी बडाई करबो चाए, क्युं क म थारा बा भेजेड़ा चेला मऊँ, एक बात म बी कम कोनी हूँ।

गलातियो 1:16

क बे आपका बेटानै मेर प परगट करै, जिऊँ म गैर-यहूदि मिनखानै ईसु मसी का चोखा समचार सुणाऊँ, बि टेम म कोईकिई राय कोनी ली,

गलातियो 1:18

अर तीन बरसा क पाछै म यरूसलेम म केफाऊँ जाणकारी लेबा गयो, अर बिकै सागै पन्दरा दिन रिह्यो।

गलातियो 2:1

म चोदा बरसा क पाछै बरनाबास क सागै पाछो यरूसलेम गयो, अर म तितूसनै बि मेरै सागै लेगो।

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।