गलातियो 2:6 - जीवन को च्यानणो (सेकावाटी नया नियम की पोथ्या)

⁶ अर जखा मिनख मान्या-थान्या हा, चाए बे कंय्यांका बी हो, मनै कोई फरक कोनी पड़ै, परमेसर कोईको भेद-भाव कोनी करै बानै मेरा सुणाईड़ा चोखा समचार म क्युंई कमी कोनी लाधी।

गलातियो 2:6 Referans Kwoze

गलातियो 2:2

म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

भेजेड़ा चेला का काम 10:34

जणा पतरस खेबा लाग्यो, “इब मनै पक्को बेरो पड़गो की परमेसर कोई भेद-भाव कोनी करै।

2 कुरन्थीयो 12:11

म बावळा की ढाळ बोल्यो, पण अंय्यां करबा ताँई थेई मनै उकसाया। जदकी म तो क्युंबी कोनी हूँ, पण थानै तो मेरी बडाई करबो चाए, क्युं क म थारा बा भेजेड़ा चेला मऊँ, एक बात म बी कम कोनी हूँ।

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

2 कुरन्थीयो 11:5

पण म खुदनै बा मिनखाऊँ छोटो कोनी जाणू जखा खुदनै थारा भेजेड़ा चेला बतावीं हीं।

रोमीयो 2:11

परमेसर भेद-भाव कोनी करै।

1 पतरस 1:17

थे बिनै, “परम-पिता” खेर हेलो द्‍यो हो, इकै वावजुद बी बो थारा कामा को दोगलापुणाऊँ न्याय कोनी करै। क्युं क बिकी नजर्या म सगळा मिनख बराबर ह अर बो सगळा को न्याय बाकै करमा गेल करै ह। जणा थे थारा इ जीवन म बिकै खया प चालो क्युं क थे इ धरती प परदेसी की जंय्यां हो।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

2 कुरन्थीयो 5:16

इ ताँई आपा इब आगैऊँ कोईबी मिनख क सागै इ दुनिया को न्याय कोनी करां। एक टेम आपा मसी क सागै इ दुनिया गेल न्याय कर्यो हो। पण इब अंय्यां कोनी।

लूका 20:21

जणा बे जासुस बिनै फसाबा ताँई सुवाल बुज्यो, “गरूजी म्हें जाणा, तू जखी बी बोलै अर सीखावै बे साची ह अर तू कोईनै छोटो बडो देखर कोईको पक्सपात कोनी करै पण परमेसर को गेलो ईमानदारीऊँ बतावै ह ,

मरकुस 12:14

बे ईसु कनै गया अर बिऊँ बोलबा लाग्या, “ओ गरूजी म्हें जाणा हां क तू बोळो ईमानदार ह अर तू इ बात की परवा कोनी करै क लोग तनै काँई खेवै ह अर तेरा बारां म काँई सोचै ह। अर तू मिनखा को मुंडो देखर बाता कोनी करै पण परमेसर क कनै जाबा ताँई जखो गेलो ह बिनै तू सच-सच बतावै ह। पण म्हें तनै बुजां हां क कैसरनै चुंगी देणी चाए क कोनी?”

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

भेजेड़ा चेला का काम 5:36

थानै याद होवै तो क्युंक बरसा पेली थियूदास आ खेतो होयो चमक्यो क म बी क्युं हूँ अर करीब च्यार सो मिनख बिकै गेल होलिआ, पण बो मार्यो गयो अर जत्ता बिनै मानता हा बे सगळा खिंडगा अर बिको आनदोलन मिटगो।