गलातियो 2:21 - जीवन को च्यानणो (सेकावाटी नया नियम की पोथ्या)

²¹ म परमेसर की दयानै बेकार कोनी जाबा द्‍युँ, क्युं क ज नेम-कायदा की बजेऊँ धारमिक्‍ता मिलती, जणा मसी को मरबो बेकारई ह।

गलातियो 2:21 Referans Kwoze

रोमीयो 11:6

ज ओ परमेसर की दया को नतिजो ह, जणा ओ मिनखा का करमा को नतिजो कोनी ह। नहिस तो दया को काँई मतबल।

गलातियो 3:21

के जणा नेम-कायदा परमेसर का करेड़ा करार क खिलाप ह? अंय्यां पक्काई कोनी! क्युं क ज नियमानै मानबा की बजेऊँ परमेसरऊँ आपानै जीवन मिलतो, जणा सचमई नेम-कायदाऊँ पाप धुप जाता।

इबरानीआ 7:11

परमेसर इजरायल का मिनखानै लेवी याजकपुणा का आधार प नेम-कायदा दिओ। पण लेवी वंस को याजकपुणो परमेसर की नजर्या म मिनखानै धरमी कोनी बणा सक्यो। इ ताँई परमेसरनै दुसरा याजकनै भेजबा की जुर्त पड़ी जिको याजकपुणो लेवी वंस का याजक हारुण का याजकपुणा की जंय्यां कोनी हो। पण बिको याजकपुणो मिलिकीसिदक की रीत गेल हो।

1 कुरन्थीयो 15:14

अर ज मसीनै कोनी जीवायो गयो जणा म्हारो परचार करबो अर थारो बिस्वास करबो दोन्यु बेकार ह।

गलातियो 2:16

पण आपा जाणा हां, क मिनख नेम-कायदानै मानबाऊँ नहिस करमाऊँ परमेसर क सामै धरमी कोनी बणै, पण ईसु मसी प बिस्वास करबाऊँ धरमी बणै ह। जणा आपा बी ईसु मसी प बिस्वास कर्या अर आई बजे ह क आपा परमेसर क सामै धरमी बण्या, क्युं क बिधी-बिधान का करमाऊँ कोई बी धरमी कोनी बणै।

रोमीयो 10:3

क्युं क बे परमेसर की धारमिक्‍ताऊँ अणजाण होर खुदकी धारमिक्‍तानै बणाबा म लाग्या रिह्या अर खुदनै परमेसर की धारमिक्‍ता म कोनी सूप्या।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

गलातियो 2:18

जा रितीयानै म छोड दिओ, बानै म ओज्यु मानू जणा म खुदई सजा को भागी हूँ।

रोमीयो 8:31

जणा आ बातानै देखर आपा काँई बोलां, ज परमेसर आपणै कानि ह जणा आपणै सामै कूण हो सकै ह?

मरकुस 7:9

थे बोळा चतर हो जखा परमेसर का हुकमानै टाळर थाकाळा रिती-रिवाजानै मनवाबाळा हो।

1 कुरन्थीयो 15:17

अर ज मसी कोनी जीवायो गयो जणा थारो बिस्वास करबो बेकार ह क्युं क परमेसर थानै थारा पाप की बजेऊँ सजा देसी।

रोमीयो 4:25

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।