गलातियो 2:2 - जीवन को च्यानणो (सेकावाटी नया नियम की पोथ्या)

² म बठै कोनी जाबो चातो हो पण म बठै परमेसर की इंछ्या की बजेऊँ गयो। अर म बि चोखा समचार क बारां म चुपचाप बठै की बिस्वासी मंडळी का मुखियानै बतायो जखो म गैर-यहूदि मिनखानै सुणायो हो, क्युं क म अंय्यां कोनी चातो हो मेरी गेलड़ी मेनत बेकार चली जावै।

गलातियो 2:2 Referans Kwoze

गलातियो 2:6

अर जखा मिनख मान्या-थान्या हा, चाए बे कंय्यांका बी हो, मनै कोई फरक कोनी पड़ै, परमेसर कोईको भेद-भाव कोनी करै बानै मेरा सुणाईड़ा चोखा समचार म क्युंई कमी कोनी लाधी।

फलिपी 2:16

अर बानै जीवन को चोखो समचार सुणाणो चाए जणा आ सगळी बाता ताँई मनै मसी क ओज्यु आबा का दिन म थार प फकर होसी क चोखा समचारनै फेलाबा ताँई मेरो काम अर भाग-दोड़ अळी कोनी गई।

1 थिसलूनिकी 3:5

इ ताँई जद मेरूँ ओर कोनी रिह्यो गयो जणा म थारा बिस्वास का हालचाल लेबा ताँई तिमूतियूसनै भेज्यो। परमेसर करै अंय्यां नइ होवै क बिचास्बाळो सेतान थानै बिचास्यो होवै अर म्हारी करी कराई मेनत अळी गई हो।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

1 कुरन्थीयो 9:26

इ ताँई म बी मिनख की जंय्यां दोड़ूँ हूँ जिकै सामै एक मुकाम होवै ह म अँधेरा म तीर कोनी चलाऊँ।

1 कुरन्थीयो 1:23

पण म्हें तो सुळी प चढाईड़ा ईसु मसी को हेलो पाड़ां हां, जखो यहूदि मिनखा ताँई आखळी अर गैर-यहूदि मिनखा ताँई बकवास ह।

1 कुरन्थीयो 9:24

के थे ओ कोनी जाणो दोड़ म तो सगळाई दोड़ीं हीं, पण इनाम तो एकनैई मिलै ह? अर थे बि अंय्यां दोड़ो की जीत सको।

1 कुरन्थीयो 2:2

क्युं क जद थारै सागै हो जणा म ध्यारली ही क म ईसु मसी अर सुळी प बिकाळी मोत क सिवाय क्युंई कोनी जाणू।

भेजेड़ा चेला का काम 15:12

जणा सभा म बेठ्या सगळा का सगळा चुपचाला पोलुस अर बरनाबास की बाता सुणबा लागगा क, परमेसर कंय्यां बाकै जरिए गैर-यहूदिआ म अचरजभर्या सेलाणी-चमत्कार कर्या।

भेजेड़ा चेला का काम 15:4

बाकै यरूसलेम पुगताई बठै की बिस्वासी मंडळी, भेजेड़ा चेला अर बिस्वासी मंडळी का मुखिया बाऊँ राजी होर मिल्या, अर बे बानै बताया क परमेसर बाकै सागै होर कंय्यां का बडा-बडा काम कर्या ह।

फलिपी 2:29

परबु म राजी होर भाई-भाई की जंय्यां बिऊँ मिलीयो अर बिकै जंय्यां का मिनखा को मान करिओ।

गलातियो 1:16

क बे आपका बेटानै मेर प परगट करै, जिऊँ म गैर-यहूदि मिनखानै ईसु मसी का चोखा समचार सुणाऊँ, बि टेम म कोईकिई राय कोनी ली,

भेजेड़ा चेला का काम 23:11

बि रात परबु बिनै दरसाव देर बोल्यो, “हिमत बांद अर जंय्यां तू मेरै बारां म अठै गुवाई दि ह, ठिक बंय्यांई तनै रोम म बी देणी पड़सी।”

भेजेड़ा चेला का काम 18:9

अर एक रात परबु पोलुसनै दरसाव देर कह्या, “तू डरै मना बोलतोई रेह चुप मना होवै

भेजेड़ा चेला का काम 5:34

पण बामै गमलिएल नाम को एक फरिसी जखो यहूदि नेम-कायदा सीखाबाळो हो अर सगळा मिनख बिकी ईज्जत करता हा। बो पंचायत म खड़्यो होर बा चेलानै चिनेक देर बारनै लेज्याबा ताँई हुकम दिओ।

मत्ती 10:16

“सुणो म थानै ल्याळ्या क मांयनै लल्ड्या की जंय्यां भेजर्यो हूँ। इ ताँई थे साँप जंय्यां चलाक अर कबूतर की जंय्यां भोळा रेहज्यो।

भेजेड़ा चेला का काम 15:2

इ बातनै लेर पोलुस अर बरनाबास बाऊँ खूब लड़्या, बोळी खिचा-ताणी होबा क पाछै बिस्वास्या की बिस्वासी मंडळी पोलुसनै, बरनाबास अर क्युंक बिस्वासी मिनखानै टाळ्या क जिऊँ बे अंताकीयाऊँ यरूसलेम म जार भेजेड़ा चेला अर बिस्वासी मंडळी का मुखियाऊँ फेसलो करवावै।

रोमीयो 9:16

जणा आ बात नइ तो कोईकी इंछ्याऊँ होवै अर नइ कोई क भाग-दोड़ करबाऊँ पण आ तो दयालु परमेसर की बात ह।

2 कुरन्थीयो 12:1

जदकी गुमान करबा को कोई फाईदो कोनी बिकै बावजुद बी म गुमान करूं हूँ, इ ताँई म परबुऊँ मिलेड़ा दरसाव अर परकासन की चरचा करस्युं।

गलातियो 1:6

मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

गलातियो 5:7

थे तो बोळी चोखी तर्याऊँ मसी को जीवन जिर्या हो। जणा इब थार म कूणसी बात ह जखी थानै सचाई प चालबाऊँ रोकै ह?

2 तिमूतियूस 4:7

म चोखो लड़लिओ, म मेरी दोड़ पूरी करली अर म बिस्वास जोगो रिह्यो।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।