गलातियो 2:19 - जीवन को च्यानणो (सेकावाटी नया नियम की पोथ्या)

¹⁹ क्युं क म नेम-कायदा की बजेऊँ नेम-कायदा ताँई मरग्यो जिऊँ परमेसर ताँई जिऊँ। म मसी क सागै सुळी प चढायो गयो हूँ,

गलातियो 2:19 Referans Kwoze

रोमीयो 7:4

जणा मेरा लाडला बिस्वास्यो सुणो, मसी की काया क जरिए नेम-कायदा ताँई थे बी मरेड़ा हो। जणा इब थे बी ओराऊँ नातो राख सको हो, बिऊँ जिनै मरेड़ा मऊँ ओज्यु जीवायो गयो जिऊँ आपा परमेसर ताँई फळां-फुलां।

रोमीयो 6:2

कदैई नइ, आपा जखा पाप ताँई मरगा हां, पाप म कंय्यां जिस्यां?

1 थिसलूनिकी 5:10

ईसु मसी आपणै ताँई मर्यो। इ ताँई आपा सगळा बिकै सागै सदाई जिस्यां, चाए बिकै आबा की टेम आपा जीवता रेह्‍वां नहिस मरेड़ा होवां।

2 कुरन्थीयो 5:15

बो सगळा ताँई मर्यो जिऊँ जखा जीवै ह बे खुदका मतबल ताँई नइ जीवै पण बि ताँई जीवै जखो मरेड़ा मऊँ बा ताँई जीवायो गयो ह।

रोमीयो 6:11

अंय्यांई थे थारै ताँई बी सोचो क थे पाप ताँई मरमरागा पण मसी ईसु म परमेसर ताँई जिर्या हो।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

रोमीयो 6:14

थार प पाप को राज कोनी हो सकै क्युं क थे नेम-कायदा क साराऊँ कोनी जीओ पण परमेसर की दया क साराऊँ जीओ हो।

1 पतरस 4:6

मरेड़ानै तो इ ताँई चोखो समचार सुणायो गयो हो क काया म तो मिनखा क कह्या गेल बाको न्याय हो, पण आत्मा म बे परमेसर क कह्या गेल जिवीं।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

कलुसीयो 2:20

थे तो मसी क सागै मरेड़ा हो अर थानै जगत प राज करबाळी आत्मा क कनैऊँ छुडायड़ो ह। जणा पाछै थे आ जगत का मिनखा की जंय्यां क्याले जीओ हो? थे जगत का अंय्यांलका नियमानै क्याले मानो हो?

गलातियो 3:24

इ ताँई नेम-कायदो मसी ताँई आपणानै पुगाबाळो गरूजी की जंय्यां होयो, जिऊँ आपा बिस्वास की बजेऊँ परमेसर क सामै धरमी होआं।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

1 कुरन्थीयो 10:31

इ ताँई थे चाए खायो, चाए पीयो, सक्यु परमेसर की मेमा ताँई करो।

रोमीयो 7:14

क्युं क आपा जाणा हां क नेम-कायदा आत्मिक ह पण म हाड-मास को मिनख हूँ जखो पाप की गुलामी ताँई बिकेड़ो हूँ।

रोमीयो 5:20

नेम-कायदा इ ताँई आया क पाप बढ सकीं। पण जठै पाप बढ्यो बठै परमेसर की दया इऊँ ओर बी ज्यादा बढी।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

1 कुरन्थीयो 9:20

अर म यहूदि मिनखा ताँई यहूदि मिनख की जंय्यां बण्यो जिऊँ बानै मसी म ल्या सकूँ। जदकी म यहूदि नेम-कायदा क तळै कोनी हो इकै बावजुद बी म बिनै मान्यो जिऊँ क म बाका हियानै जीत सकूँ।

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।