गलातियो 2:14 - जीवन को च्यानणो (सेकावाटी नया नियम की पोथ्या)

¹⁴ अर म आ देखर क बे चोखा समचार की सचाई प खराईऊँ कोनी चालीं, जणा म सकै सामै केफाऊँ बोल्यो, “तू यहूदि होर बि गैर-यहूदि मिनखा की जंय्यां जीतो आर्यो ह, जणा गैर-यहूदि मिनखानै यहूदि मिनखा की जंय्यां जीबा ताँई क्यु खेवै ह?”

गलातियो 2:14 Referans Kwoze

गलातियो 2:5

पण म्हें स्यात घड़ीई बाकै आगै हार कोनी मानी, जिऊँ चोखा समचार की सचाई थारै मांयनै बणी रेह्‍वै।

भेजेड़ा चेला का काम 10:28

जणा बो बाऊँ बोल्यो, “जंय्यां क थे पेलीऊँ जाणोई हो क एक यहूदि मिनख को गैर-यहूदि मिनखऊँ कोई समंद राखबो अर बिका घरा आबो जाबो बरजेड़ो ह, पण परमेसर मनै दिखायो ह क, नइ तो कोई मिनख सूगलो ह अर नइ निची जात को ह।

1 तिमूतियूस 5:20

जखा पाप करीं बाकै सगळा क सामै दकाल लगा जिऊँ दुसरा पाप करबाऊँ डरै।

गलातियो 6:12

जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।

इबरानीआ 12:13

अर खुदका पगा ताँई थे सिदो गेलो बणाओ जिऊँ क जखा मिनख लंगड़ा हीं बे आखड़ै नइ पण निरोगा होज्यावीं।

इबरानीआ 9:10

क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

गलातियो 2:7

अर बे इ बातनै समजगा क जंय्यां पतरसनै यहूदि मिनखानै चोखो समचार सुणाबा ताँई भेज्यो गयो ह बंय्यांई म बी गैर-यहूदि मिनखानै चोखो समचार सुणाबा ताँई भेज्यो गयो हूँ।

रोमीयो 14:14

परबु ईसु क सागै एका म, म सचमई मानू हूँ क खाबाळी कोई चिज असुद कोनी। बा खाली बि ताँई असुद ह जखो बिनै असुद मानै ह।

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो

गलातियो 2:3

तितूस जखो मेरै सागै यरूसलेम आयो हो बिकै यूनानी होबा क वावजुद बि बे बिकी सुन्नत करबा की जोर-जबरदस्ती कोनी कर्या।

भेजेड़ा चेला का काम 15:1

इकै पाछै यहूदिआ परदेसऊँ आर क्युंक मिनख बिस्वासी मंडळी का भाईड़ानै सीखाया क, “ज मूसा की रीत गेल थारी सुन्नत नइ करी जावै जणा थानै छुटकारो कोनी मिल सकै।”

भेजेड़ा चेला का काम 15:5

पण फरिसीया मऊँ बिस्वास म आया क्युंक मिनख खड़्या होर बोल्या, “गैर-यहूदि मिनखानै सुन्नत करार नेम-कायदानै मानबो चाए।”

गलातियो 1:6

मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।

गलातियो 1:18

अर तीन बरसा क पाछै म यरूसलेम म केफाऊँ जाणकारी लेबा गयो, अर बिकै सागै पन्दरा दिन रिह्यो।

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।